“Weyo, Belemi w’o Efrata, . . . mwa weyo punabudduwe ole onattonge mu Izrayel.”

Mikeya 5:2

“Mmalele Yezu obaliwa o Belemi elabo y’o Judeya masiku attonga mwene Herodi, afiya o Jeruzalemi anamapepesa neneri adhana Omadhelo wa Nzuwa.”

Mateu 2:1

“Awene anogawelana guwo dhaga mukalelani, vina anowombezela gari dhabalo dhaga.”

Masalmo 22:18

“Mmalelani omukomela Yezu vapingirhizini, anyakoddoyá attukula guwo dhaye vina agawa dhipaddi nayi . . . Mbwenyi yabaloyá kiyasoniwe, yaluwiwe oromana odhulu ofiyedha mutxiddo. Nona aloga muttu na mukwaye: ‘Kanitaye, mbwenyi nitamele omuziwa na gari bani onahalena.’”

Joau 19:23, 24

“Iyene onobarela magogoddo aye otene; kanindiwe nne ngafuna ningogoddo nimodha.”

Masalmo 34:20

“Mbwenyi mfiyedhani vàli Yezu, ahona wi wamala okwa, nona kendile myeddo dhaye.”

Joau 19:33

“Iyene olateliwe miladdu dhehu.”

Izaiya 53:5

“Munyakoddo mmodha omulata na mwalago, mudhidhene obo valatiwiye vabudduwa nikami vina manje.”

Joau 19:34

“Awene addipitxela muttengo 30 wa kobiri dha parata.”

Zakariya 11:12, 13

“Mmodhavo wa Kumi na Eli, waromoliwa Juda Iskariote, odhowa wa anddimuwa a anamakutta ohiloga: ‘Ddigauperhekelani mmadani mwenyu munaddivahe eni?’ Awene alaganela omvaha kobiri 30 dha parata.”

Mateu 26:14, 15; 27:5