CHIHULA 6
Yika Mbimbiliya Yambile Hali Mesaya?
UPROFETO
“Yena Mbeteleme Efrata, . . . kuli yena mukukangutuhukila umwe yoze makapwa mukwa kuyula Izalele.”
Mika 5:2
KUMANUNUKA
“Muze Yesu hasemuka mu Mbeteleme ya Yundeya ha matangwa ja mwanangana Heronde, akwa-kuhengwola tutongonoshi waze akatukile ku Chivumbuko yaheta mu Yerusaleme.”
UPROFETO
“Kanalianyina mazalo jami hakachi ko; ha chikuto chami kanate chela.”
Samu 22:18
KUMANUNUKA
“Mba muze hahata Yesu ha mutondo wa lamba, maswalale yanda mazalo jenyi, yaateta mu yihanda yiwana . . . Chikuto chacho chakapwile cha kunuka, alioze chapwile chimuwika, chize kwilu ndo kwishi. Kashika, ayo yamba kuli umwe ni mukwo ngwo: ‘Kanda tulipula, alioze tutenu chela hanga tumone yoze masala nalio.’”
UPROFETO
“Kakufunga yifwaha yenyi, chipwe chimuwika kuchamakukine.”
Samu 34:20
KUMANUNUKA
“Alioze, muze ahetele hali Yesu, yamona ngwo hafwa kulu, kashika kamumakwine molu.”
UPROFETO
“Alioze ha utanguko wa yetu amwashile.”
Izaia 53:5
KUMANUNUKA
“Mba umwe wa kuli maswalale yamutuwa ni kunga lienyi ha pachi, hazehene yihatuhuka manyinga ni meya.”
UPROFETO
“Yangupezalishila ha fweto yami makumi atatu a mbongo ja prata.”
Zekaria 11:12, 13
KUMANUNUKA
“Henaho, umwe wa kuli e Kumi ni Aali yoze avuluka ngwo, Yundase Ka-Keriote, yaya kuli asasendote a lutwe, yamba ngwenyi: ‘Yika munungwaha hanga ngumukunjike kuli yenu?’ Yalitesa hanga amwehe 30 a mbongo ja prata.”
