«Belén Efrata, [. . .] tojuʼitireechi yalejeechiki chi aluwataainjachikai saaʼu Israel».

Miqueas 5:2

«Süchikijee chajachin joʼuuin Jesús Belén, tü chakat Judea soʼu nükalia Herodes chi aluwataashikai, antapaashii chaa Jerusalénmüin waneinnua wayuu ooʼulakülii süka sukuwaʼipa jolotsü. Wüinpüjeʼewalii naya».

Mateo 2:1

«Neitajüin nakaaluʼu tü tasheʼinkat jee nashantanajira aaʼulu shia».

Salmo 22:18

«Nüchitünapa Jesús sünain tü wunuʼukat, naapaakalaka na surulaatkana tü nüsheʼinkat, pienchikalaka shiʼipa natuma nakaaluʼu [...]. Maʼyapüjiasat tia sutujunakat nüsheʼin, waneepüshisü neʼe. Müshiijeseʼe namajiraain na surulaatkana: ‹Nnojo wasüküijaain tü nüsheʼinkat, anashii washantanajiraale saaʼu süpüla watüjaain saaʼu jaralinjachin kasheʼin shia›».

Juan 19:23, 24

«Naaʼinmajüin süpüshuaʼa tü niipüsekat, nnojoleerü ashataanüin waneesiaakaijeʼe niipüse».

Salmo 34:20

«Nantapa eemüin Jesús, nayaawatakalaka saaʼu outuichipain nia, müshijeseʼe nnojolin nashanaajüin nüsaʼa».

Juan 19:33

«Asotünüshi nia saaʼu tü waainjalakat».

Isaías 53:5

«Eepejeʼe wanee surulaat atkakai Jesús nuwatsenain, süparalamaataka isha sümaa wüin».

Juan 19:34

«Suwalaajünaka tamüin tü taʼyataainkat, saapünaka tamüin apünüin shikii nneerü pülaata».

Zacarías 11:12, 13

«Niasaʼa Judas chi kanüliakai Iscariote, napüshi na Polookana Piamamüin aluwataaushi, nuʼunakalaka namaʼanamüin nekiipüʼü na sacerdotekana, nümakalaka namüin: «¿Kaseerü jaapaka tamüin müleka taapüle nikii Jesús jümüin?». Naküjakalaka süchiki naapeerüin nümüin apünüin shikii nneerü pülaata».

Mateo 26:14, 15; 27:5