“Nde, Belén Efrata, [...] ndehegui oúta pe ogovernátava Israélpe che rérape”.

Miqueas 5:2

“Jesús onase Belénpe, oĩva Judéape, rréi Herodes tiémpope. Upéi, pe ésteguio ou Jerusalénpe umi kuimbaʼe oadivináva omañávo estrellakuérare”.

Mateo 2:1

“Haʼekuéra oñombojaʼo che ao rehe, ha osortea hikuái ohecha hag̃ua mávapepa opytáta”.

Salmo 22:18

“Umi soldádo oklava rire Jesúspe yvyráre, ojagarra Jesús ao joʼaha, omondoro 4 hendápe [...]. Ha ojagarra avei pe ijao iguypegua, péva noñembovyvýi síno ojetehe de unoite. Upévare heʼi ojupe: ‘Ani ñamondoro, jasorteántena jadesidi hag̃ua mávapepa opytáta’”.

Juan 19:23, 24

“Ñandejára oñangareko ikanguére, ha ni peteĩva noñemopẽi chugui”.

Salmo 34:20

“Umi soldádo oñembojávo Jesús rendápe, ohecha hikuái haʼe omanóma hague, upévare nomopẽi chugui hetyma”.

Juan 19:33

“Chupe ojekutu ñande pekádore”.

Isaías 53:5

“Peteĩ soldádo oikutu chupe ilánsape ikostádope, ha osẽ chugui tuguy ha y”.

Juan 19:34

“Opaga chéve hikuái che suéldo, ohupytýva 30 monéda de pláta”.

Zacarías 11:12, 13

“Upe rire, peteĩva umi 12 apóstol apytégui, hérava Judas Iscariote, oho umi saserdóte prinsipál rendápe. Haʼe heʼi chupekuéra: ‘¿Mbaʼépa pemeʼẽta chéve atraisionáramo Jesúspe?’. Haʼekuéra oofrese chupe 30 monéda de pláta”.

Mateo 26:14, 15; 27:5