‘Abo, ó Belen Efrata, . . . di bo ki ta ben sai pa mi kel ki ta ben ser governanti na Israel.’

Miqueias 5:2

“Dipôs ki Jizus nase na Belen di Judea, na ténpu di rei Eródis, astrólugus ki ben di Orienti txiga na Jiruzalen.”

Mateus 2:1

‘Es ta reparti nhas ropa entri es i es ta bota sórti na nha ropa.’

Salmo 22:18

“Kantu kes trópa prega Jizus na staka, es panha se ropa i es dividi na kuatu párti. . . Má kel ropa ki el staba ta uza dibaxu ka tinha kustura, pamodi el éra tesedu di riba pa baxu. Nton, es fla kunpanheru: ‘Ka nu ratxa-l, má nu bota sórti pa nu disidi kenha ki ta fika ku el.’”

Juan 19:23, 24

‘El ta proteje tudu ses osu; ninhun di es ka kebradu.’

Salmo 34:20

“Kantu es txiga na Jizus, es odja ma dja el staba mortu, pur isu es ka kebra-l pérna.”

Juan 19:33

‘El dadu ku lansa pamodi nos pekadu.’

Isaías 53:5

“Un di kes trópa fra-l na ladu ku un lansa, i kel óra sai sangi ku agu.”

Juan 19:34

‘Es paga-m 30 pésa di prata.’

Zacarias 11:12, 13

“Nton, un di kes Dozi, ki txomaba Judas Iskariótis, bai na kes xéfi di saserdótis i el fla-s: ‘Kuzê ki nhos ta da-m pa N intrega nhos el?’ Es fla-l ma es ta daba el 30 muéda di prata.”

Mateus 26:14, 15; 27:5