KIUVU KIA 6
Adieyi e Bibila Kiasakula mu Kuma kia Masia?
UNGUNZA
“Ongeye, Beteleme Eferata, . . . muna ngeye mukumpaikila ndiona oyala muna Isaele.”
NDUNGANA
“O Yesu vava kawutukidi muna Beteleme a Yuda muna lumbu ya Erodi wa Ntinu, afimpi a ntetembwa batukidi kuna Este bezidi ku Yerusaleme.”
UNGUNZA
“Bakayane mvuatu miame, Batelele kinkutu kiame nkas’a mienze.”
NDUNGANA
“Vava makesa bamene koma Yesu vana nti, babongele mvuatu miandi, bakayanese mio muna tini yá, . . . Kansi e kinkutu kiakondwa nswiku tuka kuna ntandu yamuna yanda, baya kimosi kaka. Bavovanene vo: ‘Ke tutiazuni kio ko, tutelela kio nkas’a mienze twazaya kana nani ovua kio.’”
UNGUNZA
“Olundidi e visi yandi yawonso; kana kimosi ke kitolokele ko.”
NDUNGANA
“Wau balueke kwa Yesu, bamwene vo ofwidi kala, dianu vo ke batolwele malu mandi ko.”
UNGUNZA
“Oyandi watompolwa mu kuma kia makuzuka meto.”
NDUNGANA
“Kesa dimosi otobwele luvati lwandi muna dionga, vana vau vavaikidi menga yo maza.”
UNGUNZA
“Bampene 30 ma sekele za palata se mfutu ame.”
NDUNGANA
“I bosi, mosi vana vena yau Kumi ye Zole, nkumbu andi, Yuda wa musi Kereote, wele kwa nganga zambuta, ovovele vo: “Nki nukumpana avo inyekwele kwa yeno?” Bakanini kumvana 30 ma sekele za palata.”
