“Ove Mbetelema Efwalata, . . . muli ove mukiko namukafuma mwangana uze mwakanguyulila vaIsalele.”

Mika 5:2

“Jino omu alingile Yesu nasemuka lyehi kuMbetelema yakuYuleya hamakumbi amwangana Helote, kuYelusalema kwejile vaka-kuzachisa vatanganyika kufuma kuMututuko.”

Mateu 2:1

“Vali nakulipangila mwavomwavo uvwalo wami, kaha vali nakuzachisa tutachikijilo hakulipangila uvwalo wami.”

Samu 22:18

“Jino omu valingile maswalale vanapapalila lyehi Yesu hachitondo, vambachile uvwalo wenyi wahelu, vaupangile muvihanda viwana . . . Oloze uvwalo wamukachi kawapwile namungundoko, mwomwo vautungile chakuzeneka mungundo kufuma kushingo mbwe nakwishi. Ngocho valihanjikishile mwavomwavo ngwavo: ‘Kanda tuupulako, oloze tuzachisenu tutachikijilo tumone ou mwaumbata.’”

Yowano 19:23, 24

“Eji kulamanga vifuwa vyenyi vyosena. Kakweshi chifuwa numba chimwe vanahokolako.”

Samu 34:20

“Hakuheta hali Yesu, vamumwene nafu lyehi, ngocho kavahokwele mahinji enyiko.”

Yowano 19:33

“Vamutuvile mwomwo yavilinga vyetu vyakuzombwojoka jishimbi.”

Isaya 53:5

“Jino umwe hali vaze maswalale amutuvile likunga kuluhachi, kaha hahaze vene kwalovokele manyinga nameya.”

Yowano 19:34

“Vanguhanyine fweto yami, jimbongo japalata 30.”

Zekaliya 11:12, 13

“Umwe hali vaze 12 uze vavuluka ngwavo, Yuta Isakalyote, ayile kuli vapilishitu vavakulwane nakwamba ngwenyi: ‘Namunguhana ika mangana ngumusolole kuli enu?’ Vakiko vamufwelelesele kumuhana jimbongo japalata 30.”

Mateu 26:14, 15; 27:5