SOKR A 6
Bõe la Biiblã reng n togs Mesi wã zugu?
BÃNGR-GOMDÃ
“Foom a Betlehɛm Efrata, . . . mam sẽn na n yãk a soab t’a yɩ Israyɛll taoor soabã na n yii fo pʋgẽ.”
A PIDSGÃ
“A Zeezi roga Betlehɛm sẽn be Zide wã, rĩm a Erood zãmaanẽ. La ade! Ãds-bagb n yi yaang n wa Zerizalɛm.”
BÃNGR-GOMDÃ
“B pʋɩta taab mam futã, la b maand bãnd mam fu-yorgã yĩnga.”
A PIDSGÃ
“Sodaasã sẽn wa n ka a Zeezi ra-lukã zug n sa wã, b rɩka a zugẽ futã n pʋɩ zĩis a naase . . . La tẽngr fuugã ra pa tar sẽnesem ye. B wʋg-a-la yĩngr n tãag tẽngre. Rẽ n so tɩ b sõs ne taab n yeel yaa: ‘Bɩ d ra pãrg-a ye. D maan bãnd a yĩnga, n bãng ned ning sẽn na n soog-a wã.’”
BÃNGR-GOMDÃ
“A kogenda a kõabã fãa. A kõbr baa a ye pa kaoog ye.”
A PIDSGÃ
“B sẽn ta a Zeezi nengẽ wã b mikame t’a zoe n kiime, tɩ b pa kao a karsã ye.”
BÃNGR-GOMDÃ
“La b kõsa yẽ tõnd beegrã yĩnga.”
A PIDSGÃ
“La sodaasã nin-yend kõsa a lʋgrã ne kãnde. Zĩig pʋgẽ, zɩɩm ne koom n yi.”
BÃNGR-GOMDÃ
“B yaoo maam m yaoodã. Yɩɩ wanzuri ligd-koeems pis-tã.”
A PIDSGÃ
“Dẽ, Piig la a yiibã ned a ye b sẽn boond t’a Zida Iskariotã kẽnga maan-kʋʋdbã taoor dãmb nengẽ n tɩ yeele: ‘Mam sã n sõng yãmb tɩ y paam-a n yõke, bõe la y na n kõ maam?’ La b yeelame tɩ b na n kõ-a-la wanzuri ligd pis-tã. Rẽ n so t’a lob wanzuri ligdã wẽnd-doogẽ wã la a looge. Rẽ poore, a kẽngame n tɩ luuli.”