FANOFU 6
Hadia Nifaʼeleʼö Zura Niʼamoniʼö Sanandrösa khö Mesia?
FAMAʼELEʼÖ
”He yaʼugö Betilekhema Eferata, . . . ba khöu dania iʼotarai samösa zi tobali samatörö iraono Gizaraʼeli.”
FAʼALUA
”Tumbu Yesu ba Mbetilekhema si so ba Yudea, me götö Razo Herode. Aefa daʼö, tohare zanahö döfi moroi ba Gatumbukha numalö ba Yeruzalema.”
FAMAʼELEʼÖ
”Labagi-bagi khöra mbarugu, ba lalau fadahö-dahö ba nukhagu.”
FAʼALUA
”Me no laʼosö Yesu ira saradadu ba döla geu, lahalö mbarunia tanö baero ba labagi öfa. . . . Aefa daʼö, lahalö göi mbarunia tanö bakha si lö tagu-tagu, hizaʼi no musoso iʼotarai yawa numalö mitou. Faoma lamane khö nawöra, ’Böi tasika mbaru daʼa. Datalau fadahö-dahö ba wotatugöi haʼökhö möi.’”
FAMAʼELEʼÖ
”Ilumöʼö fefu döla niha daʼö; sara lö safatö dölania.”
FAʼALUA
”Me lahatöʼö ira khö Yesu, laʼila wa no mate ia. Andrö lö lafatö gahenia.”
FAMAʼELEʼÖ
”Mufahö ia börö horö nifaluama.”
FAʼALUA
”So samösa zaradadu samahö ngai Yesu faoma toho, aefa daʼö kalua ndro faoma idanö.”
FAMAʼELEʼÖ
”Labeʼe gazigu 30 loga firö.”
FAʼALUA
”Aefa daʼö, samösa moroi ba gotalua ndra sinengenia si 12 sotöi Yuda Kariota ifalukhaisi ndra kafalo gere. Imane, ’Hauga mibeʼe khögu na ubeʼe ia ba dangami?’ Lazazi khönia 30 loga firö.”
