“Belen Efräta marka, [. . .] qampitam voluntänïta ruraq Israel nunakunapa gobernaqnin kanqa”.

Miquëas 5:2

“Tsëpitanam Herödis gobernanqan witsan Judëa provinciachö këkaq Belenchö Jesus yurinqanta musyar, estrëllakunata rikëkur willakoq nunakuna Jerusalenman shayämurqan”.

Mateu 2:1

“Röpäkunatam rakipänakuyan, y röpäkunata apakuyänampaqmi sortiayan”.

Salmus 22:18

“Jesusta qeruman clavëkurmi soldädukunaqa cada ünupaq röpanta chuskuman rakiyarqan [. . .]. Rurin kaq röpanqa, umapita urayaq awashqa karmi costürannaq karqan. Tsëmi kikinkunapura kënö ninakuyarqan: ‘Ama rachishuntsu, sinöqa pï apakunampaq kaqta rikänapaq suertita jitashun’”.

Juan 19:23, 24

“Teyta Diosmi llapan tullunkunata cuidëkan, manam ni jukllëllatapis pakiyänanta permitishqatsu”.

Salmus 34:20

“Peru Jesusman chärirqa, wanushqana kanqanta rikarmi, chankankunata pakiyarqannatsu”.

Juan 19:33

“Jutsata ruranqantsikpitam tuksir ushayarqan”.

Isaïas 53:5

“Juk soldädu costillanchö lanzawan tuksïkuptinmi, jinan höra yawarwan yaku yarqamurqan”.

Juan 19:34

“Tsënam pëkunaqa treinta yuraq pläta qellëta pagayämarqan”.

Zacarïas 11:12, 13

“Tsënam döci apostolninkunapita Jüdas Iscariöti jutiyoq kaq, mandakoq sacerdötikunaman ëwar kënö tapurqan: ‘¿Imatataq äniyämanki Jesusta traicionanäpaq?’. Tsënam pëkunaqa treinta yuraq pläta qellëta äniyarqan”.

Mateu 26:14, 15; 27:5