PERGUNTA 6
Bíblia fó sai profesia saida kona-ba Mesias?
PROFESIA
“Kona-ba ó, oh Belein Efrata, . . . husi ó mak sei mosu ba haʼu ida neʼebé sei ukun Izraél.”
SAI LOOS
“Jesus moris iha Belein iha rai-Judeia durante Liurai Herodes nia tempu. Iha tempu neʼebá, matenek-naʼin sira neʼebé estuda fitun mai husi área Leste no toʼo iha Jeruzalein.”
PROFESIA
“Sira fahe haʼu-nia roupa ba malu, no sira dada sorteiu kona-ba haʼu-nia roupa.”
SAI LOOS
“Kuandu tropa sira prega tiha Jesus iha ai-riin, sira foti ninia roupa parte liʼur no fahe ba haat . . . Sira mós foti ninia roupa parte laran, roupa neʼe la suku hamutuk, maibé ema soru tomak deʼit husi leten toʼo kraik. Entaun, sira dehan ba malu: ‘Keta lees roupa neʼe, maibé mai ita dada sorteiu atu hatene sé mak sei hetan roupa neʼe.’”
PROFESIA
“Nia proteje ema laran-loos nia ruin sira hotu; la iha ida mak tohar.”
SAI LOOS
“Kuandu sira toʼo Jesus, sira haree nia mate ona, nuneʼe sira la halo tohar ninia ain.”
PROFESIA
“Ema sona borus nia tanba ami-nia hahalok aat.”
SAI LOOS
“Tropa ida sona Jesus nia sorin ho diman, no bee ho raan suli sai kedas.”
PROFESIA
“Sira selu haʼu-nia kolen osan-mutin 30.”
SAI LOOS
“Depois neʼe, sira naʼin Sanulu-Resin-Rua neʼe ida, naran Judas Iscariotes, bá hasoru ulun-naʼin amlulik sira, no nia hatete: ‘Imi fó saida ba haʼu se haʼu entrega nia ba imi?’ Sira promete atu fó osan-mutin 30 ba nia.”