ASƐMMISA 6
Nkɔm Bɛn Na Bible Hyɛ Faa Mesia No Ho?
NKƆMHYƐ
“Wo, Betlehem Efrata, . . . wo mu na obi befi abɛyɛ Israel hene ama me.”
SƐNEA ƐBAA MU
“Bere a wɔwoo Yesu wɔ Betlehem a ɛwɔ Yudea, Ɔhene Herode nna no mu no, hwɛ! nsoromma mu ahwɛfo bi fi Apuei fam baa Yerusalem.”
NKƆMHYƐ
“Wɔkyekyɛ me ntaade mu fa, na wɔbɔ m’ataade so ntonto.”
SƐNEA ƐBAA MU
“Bere a asraafo no bɔɔ Yesu asɛndua mu no, wɔfaa n’ataade nguguso kyɛɛ mu anan . . . Nanso na n’ataade a ɛwɔ ase no nni mpamee; na wɔanwene fi soro abesi fam. Enti wɔkeka kyerɛɛ wɔn ho sɛ: ‘Mommma yɛnntetew mu, mmom momma yɛmmɔ so ntonto nhwɛ nea ɛbɛyɛ ne dea.’”
NKƆMHYƐ
“Ɔhwɛ ne nnompe nyinaa so; emu baako mpo mmu.”
SƐNEA ƐBAA MU
“Bere a woduu Yesu nkyɛn no, wohui sɛ wawu dedaw, enti wɔammubu ne nan mu.”
NKƆMHYƐ
“Yɛn mmarato nti na wɔde ade wɔɔ no.”
SƐNEA ƐBAA MU
“Asraafo no mu baako de peaw wɔɔ ne mfe, na ɛhɔ ara na mogya ne nsu bae.”
NKƆMHYƐ
“Wɔde m’akatua maa me; wɔmaa me nnwetɛbona 30.”
SƐNEA ƐBAA MU
“Ɛnna Dumien no mu baako, nea wɔfrɛ no Yuda Iskariot no, kɔɔ asɔfo mpanyin no nkyɛn. Obisaa wɔn sɛ: ‘Dɛn na mode bɛma me na mayi no ama mo?’ Na wɔkae sɛ wɔbɛma no nnwetɛbona 30.”
