SJAKʼOBIL 6
¿Kʼusi laj yal Vivlia ta sventa li Mesiase?
ALBIL KʼOP
«Li voʼote, Belen Efrata, [...] te chlokʼ tal ta atojolal li buchʼu tspas mantal kuʼun ta Israele».
SKʼOTEB TA PASEL
«Kʼalal vokʼ xa ox ta Belen ta Judea li Jesus ta skʼakʼalil ajvalil Erodese, talik ta Jerusalen jkʼelkʼanaletik ti likemik tal ta Slokʼeb Kʼakʼale».
ALBIL KʼOP
«Tspukbe sbaik li jkʼuʼ jpokʼe xchiʼuk chakʼik ta suerte li jkʼuʼ jpokʼe».
SKʼOTEB TA PASEL
«Kʼalal laj xa ox sbajik ta jtel teʼ Jesus li soltaroetike, la stambeik li skʼuʼ tslap ta sbae, vaʼun la spasik ta chanlik [...]. Pe li kʼuʼil tslap ta yute muʼyuk stsʼisbenal, yuʼun jalbil sliklej. Jaʼ yuʼun, xi lik yalbe sbaike: ‹Mu jatik, jaʼ lek kakʼtik suerte sventa jkʼeltik buchʼu chichʼ›».
ALBIL KʼOP
«Yakal chchabibe skotol li sbakile; mi junuk sbakil laj yichʼ kʼasbel».
SKʼOTEB TA PASEL
«Kʼalal kʼotik ti bu oy li Jesuse, laj yilik ti chamem xae, jaʼ yuʼun muʼyuk xa la skʼasbeik li yakantake».
ALBIL KʼOP
«Oy kʼusi laj yichʼ pajbel ta skoj li jmultike».
SKʼOTEB TA PASEL
«Li jun soltaroe la sjombe xokon ta jun lansa, vaʼun ta anil noʼox lokʼ tal chʼichʼ xchiʼuk voʼ».
ALBIL KʼOP
«La stojikun, laj yakʼbeikun 30 ta sep plata».
SKʼOTEB TA PASEL
«Vaʼun, jun li ta 12 ta voʼ jtakboletike, jaʼ li Judas Iskariote chalbeike, bat skʼel li bankilal paleetike xchiʼuk xi kʼot yale: ‹¿Kʼusi chavakʼbeikun mi laj kakʼ ta akʼobike?›. Laj yalbeik ti chakʼbeik 30 ta sep platae».
