6-savol
Muqaddas Kitobda Masih haqida qanday bashoratlar bor?
BASHORAT
«Ey Baytlahm-Efrata,.. Isroilda irodamni bajaradigan hukmdor sendan chiqadi».
BAJARILISHI
«Iso shoh Hirod davrida, Yahudiyadagi Baytlahm shahrida tug‘ilganidan so‘ng, sharqdan Quddusga munajjimlar keldi».
BASHORAT
«Ular kiyimlarimni o‘zaro bo‘lishib olib, libosim uchun qur’a tashladi».
BAJARILISHI
«Askarlar Isoni mixlashgandan so‘ng, uning ustki kiyimini to‘rt qismga bo‘lishdi... Shuningdek ichki ko‘ylagini ham olishdi. U bo‘lsa boshdan-oyoq choksiz to‘qima edi. Shunda ular o‘zaro kelishib: “Kelinglar, uni yirtmay qur’a tashlaymiz. Qani kimga tusharkin?” — deyishdi».
BASHORAT
«Uning barcha suyaklarini saqlaydi, ulardan hech biri sindirilmaydi».
BAJARILISHI
«Isoning oldiga kelishganda, u allaqachon o‘lganini ko‘rib oyoqlarini sindirishmadi».
BASHORAT
«U bizning gunohlarimiz uchun sanchildi».
BAJARILISHI
«Ammo askarlardan biri nayza bilan uning biqinini teshganida, shu zahoti o‘sha joydan qon va suv oqib chiqdi».
BASHORAT
«Ular menga 30 shekel kumush haq to‘lashdi».
BAJARILISHI
«Shunda 12 shogirddan biri Yahudo Ishqariyot bosh ruhoniylarning oldiga borib: “Agar uni qo‘lingizga tutib bersam, menga nima berasizlar?” — dedi. Ular 30 kumush tanga berishni va’da qilishdi».
