“Iwe Betlehema Efurata, . . . kha iwe hu ḓo bva muvhusi ane a ḓo ita zwine nda funa kha ḽa Isiraele.”

Mika 5:2

“Musi Yesu o no bebiwa ngei Betlehema shangoni ḽa Yudea, hu tshi khou vhusa Khosi Herode, vhaḓivhi vha ṋaledzi vha bvaho Vhubvaḓuvha vho ḓa Yerusalema.”

Mateo 2:1

“Vha kovhekana zwiambaro zwanga, tshiambaro tshanga vha tshi itela madeṅwa.”

Phisalema 22:18

“Musi maswole o no ombela Yesu kha danda, a dzhia zwiambaro zwawe a zwi ita zwipiḓa zwiṋa . . . Fhedzi tshiambaro tshine tsha ambarwa nga ngomu tsho vha tshi songo ṱumiwa, tsho vha tsho tou lukiwa tshoṱhe. Maswole a ri: ‘Ri songo tshi kherula, fhedzi kha ri ite madeṅwa uri ri vhone uri tshi ḓo vha tsha nnyi.’”

Yohane 19:23, 24

“U linda marambo awe oṱhe; a hu na na ḽithihi ḽo vunḓeaho.”

Phisalema 34:20

“Musi maswole a tshi swika kha Yesu a wana o no fa, a si vunḓe milenzhe yawe.”

Yohane 19:33

“O ṱhavhelwa vhutshinyi hashu.”

Yesaya 53:5

“Ḽiṅwe ḽa eneo maswole ḽa mu ṱhavha kha lurumbu nga pfumo, ha bva malofha na maḓi.”

Yohane 19:34

“Vha nkholela shekele dza 30 dza siḽiva.”

Sakaria 11:12, 13

“Muṅwe wa vhaapostola vha 12, ane a pfi Yudasi Iskariote a ya kha vhahulwane vha vhotshifhe, a ri: ‘Arali nda mu fheṱa kha inwi, ni ḓo nṋea mini?’ Vha mu fhulufhedzisa u mu ṋea shekele dza 30 dza siḽiva.”

Mateo 26:14, 15; 27:5