U SEIS KʼÁATCHIʼ
¿Baʼax tu yaʼalaj le Biblia yoʼolal le Mesíasoʼ?
BAʼAX TU YAʼALAJ
«Belén Efrata, [...] tiʼ teech kun jóokʼol le máax ken u gobernart Israel jeʼex in kʼáatoʼ».
BIX BÉEYCHAJIK
«Jesúseʼ síij tu kaajil Belén tu luʼumil Judea, tu kʼiiniloʼob rey Herodes. Ka máan kʼiineʼ jujuntúul astrólogoʼob Lakʼin u taaloʼobeʼ kʼuchoʼob tu kaajil Jerusalén».
BAʼAX TU YAʼALAJ
«Ku tʼoxkoʼob in nookʼoʼob ichiloʼob, yéetel ku buuloʼob tu yoʼolal».
BIX BÉEYCHAJIK
«Le soldadoʼob túunoʼ ka tsʼoʼok u bajkoʼob Jesús teʼ cheʼoʼ tu chʼaʼajoʼob u nookʼeʼ ka tu jóoʼsoʼob kanjaats tiʼ [...]. Ka tsʼoʼokeʼ tu chʼaʼajoʼob le uláakʼ junpʼéel u nookʼoʼ, chéen baʼaleʼ lelaʼ minaʼan kaʼach u chuuyil tumen túulis beetaʼanil desde tu kaʼanlil tak tu kabalil. Ka joʼopʼ u yaʼalikoʼob: ‹Maʼ k-jatikeʼex, baʼaxeʼ koʼoneʼex buul utiaʼal k-ilik tiʼ máax kun pʼáatal›».
BAʼAX TU YAʼALAJ
«Letiʼ kanáantik tuláakal u baakeloʼob, le oʼolal mix junpʼéel u baakel kaʼachak».
BIX BÉEYCHAJIK
«Ka náatsʼoʼob tu yiknal Jesúseʼ maʼ tu kachoʼob u yookiʼ tumen tu yiloʼob tsʼoʼok u kíimil».
BAʼAX TU YAʼALAJ
«Letiʼeʼ táatsʼmáansaʼab tu yoʼolal k-kʼebanoʼob».
BIX BÉEYCHAJIK
«Juntúul tiʼ le soldadoʼoboʼ tu lomaj u chʼalaʼatel Jesús yéetel junpʼéel lanza, ka túun jóokʼ jaʼ yéetel kʼiʼikʼiʼ».
BAʼAX TU YAʼALAJ
«Letiʼob túuneʼ tu boʼotoʼobten in meyaj, tu tsʼáajoʼobten 30 u pʼéelal baʼaloʼob de plata».
BIX BÉEYCHAJIK
«Juntúul tiʼ le 12 discípuloʼoboʼ, le ku kʼaabaʼtik Judas Iscarioteoʼ, bin tu yiknal u nuuktakil le sacerdoteʼoboʼ ka tu yaʼalajtiʼob: ‹¿Baʼax ken a tsʼáaʼexten utiaʼal ka in kʼub Jesús ta kʼabeʼex?›. Letiʼob túuneʼ tu yaʼaloʼob jeʼel u tsʼáaikoʼobtiʼ 30 u pʼéelal u taakʼinil plataeʼ».