ຄຳຖາມ 10
ຄຳພີໄບເບິນມີຄຳສັນຍາຫຍັງແດ່ກ່ຽວກັບອະນາຄົດ?
“ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບແຜ່ນດິນເປັນມໍລະດົກ ແລະເຂົາເຈົ້າຈະໄດ້ຢູ່ຫັ້ນຕະຫຼອດໄປ.”
“ໂລກໝັ້ນຄົງຢູ່ຕະຫຼອດໄປ.”
“ເພິ່ນຈະທຳລາຍຄວາມຕາຍໃຫ້ດັບສູນຕະຫຼອດໄປ. ພະເຢໂຫວາພະເຈົ້າຜູ້ຍິ່ງໃຫຍ່ສູງສຸດຈະເຊັດນ້ຳຕາໃຫ້ທຸກຄົນ.”
“ໃນຕອນນັ້ນ ຄົນຕາບອດຈະເຫັນຮຸ່ງ ແລະຄົນຫູໜວກຈະໄດ້ຍິນ. ໃນຕອນນັ້ນ ຄົນເປັນລ່ອຍຈະໂດດໄດ້ຄືກວາງ ແລະຄົນປາກກືກຈະຮ້ອງຢ່າງມີຄວາມສຸກ. ບ່ອນກັນດານຈະມີນ້ຳໄຫຼອອກມາ ແລະມີແມ່ນ້ຳຫຼາຍສາຍ.”
“ພະເຈົ້າຈະເຊັດນ້ຳຕາທຸກຢົດຈາກຕາຂອງເຂົາເຈົ້າ ແລະຄວາມຕາຍຈະບໍ່ມີອີກຕໍ່ໄປ. ຄວາມໂສກເສົ້າ ຫຼືສຽງຮ້ອງໄຫ້ເສຍໃຈ ຫຼືຄວາມເຈັບປວດຈະບໍ່ມີອີກເລີຍ. ສິ່ງຕ່າງໆເຫຼົ່ານີ້ທີ່ເຄີຍເຮັດໃຫ້ພວກເຮົາເຈັບປວດໄດ້ຜ່ານພົ້ນໄປແລ້ວ.”
“ເຂົາເຈົ້າຈະປຸກເຮືອນແລະໄດ້ຢູ່ໃນເຮືອນນັ້ນ. ເຂົາເຈົ້າຈະເຮັດສວນໝາກລະແຊັງແລະໄດ້ກິນໝາກຂອງມັນ. ເຂົາເຈົ້າຈະບໍ່ປຸກເຮືອນແລ້ວໃຫ້ຄົນອື່ນຢູ່. ເຂົາເຈົ້າຈະບໍ່ເຮັດສວນໝາກລະແຊັງແລ້ວໃຫ້ຄົນອື່ນກິນ. ປະຊາຊົນຂອງເຮົາຈະມີອາຍຸຍືນຄືກັບອາຍຸຂອງຕົ້ນໄມ້ ແລະຄົນທີ່ເຮົາເລືອກໄວ້ຈະມີຄວາມສຸກຢ່າງເຕັມທີກັບວຽກທີ່ເຂົາເຈົ້າເຮັດ.”
