U QUINCE KʼÁATCHIʼ
¿Baʼax jeʼel u taasik kiʼimak óolal tiʼ máakeʼ?
«Maas maʼalob u jaantaʼal junpʼéel plato verduras tuʼux yaan yaabilaj ke u jaantaʼal u bakʼel wakax tuʼux yaan kʼuuxilil».
«Teneʼ Jéeobaen, teen a Dios, teen le máax kaʼansikech utiaʼal u bintech utsiloʼ, teen le máax nuʼuktikech teʼ bej tuʼux unaj a binoʼ».
«Kiʼimak u yóol le máaxoʼob ku tsʼáaikoʼob cuenta kʼaʼabéet u nuʼuktaʼaloʼob tumen Diosoʼ, tumen u tiaʼaloʼob u Reinoil kaʼan».
«Kʼaʼabéet a yaabiltik a wéet máakil jeʼex a yaabiltikabaeʼ».
«Tsʼoʼoleʼ le baʼax a kʼáateʼex ka beetaʼakteʼex tumen le máakoʼoboʼ teʼex xaneʼ bey unaj a beetkeʼextiʼoboʼ».
«¡Kiʼimak u yóol le máaxoʼob ku chʼenxikintikoʼob yéetel ku beetkoʼob baʼax ku yaʼalik Diosoʼ!».
«Maʼ tu páajtal u manik u kuxtal máak yéetel le baʼaxoʼob yaantiʼoʼ».
«Le oʼolaleʼ wa yaan baʼal k-jaante, yaan k-nookʼ bey xan tuʼux k-antaleʼ yaan u kiʼimaktal k-óol yéetel le baʼaloʼobaʼ».
«Maas ku taasik kiʼimak óolal u tsʼaʼabal wa baʼax ke u kʼaʼamal wa baʼax».
