1

• Tu defren rod

  • Man i glad taem i ridim loa blong God (2)

  • Ol stret man oli olsem wan tri we i karem frut (3)

  • Ol man nogud oli olsem doti blong wit we win i blu long hem i gowe (4)

2

• Jehova mo man we hem i makemaot

  • Jehova i laf long ol nesen (4)

  • Jehova i putumap king blong hem (6)

  • Ona long pikinini ya (12)

3

• Trastem God nomata se i gat denja

  • ‘?From wanem i gat plante enemi?’ (1)

  • “Rod blong sevem man i blong Jehova” (8)

4

• Prea blong man we i trastem God

  • “Yufala i save harem nogud, be yufala i no mas mekem sin” (4)

  • ‘Bambae mi slip long pis’ (8)

5

• Jehova i ples blong haed blong ol stret man

  • God i no laekem nating ol rabis fasin (4, 5)

  • “Yu lidim mi folem stret fasin blong yu” (8)

6

• Wan prea we man i askem God blong i sore long hem

  • Dedman i no save presem God (5)

  • God i harem taem man i askem hem blong i sore long hem (9)

7

• Jehova i Jaj we i stret olgeta

  • “O Jehova, yu jajem mi” (8)

8

• Glori blong God mo ona we man i kasem

  • “!Nem blong yu i hae we i hae!” (1, 9)

  • ‘Man i nating nomo, ?hem i impoten olsem wanem?’ (4)

  • Man i kasem ona olsem hat blong king (5)

9

• Talemaot ol gudgudfala wok blong God

  • Jehova i wan sefples blong haed (9)

  • Taem yumi save nem blong God, yumi trastem hem (10)

10

• Jehova, i helpa blong man we i no gat man blong givhan long hem

  • Man nogud i tokflas se: “I no gat God” (4)

  • Man we i no gat man blong givhan long hem, i lukluk i go long Jehova (14)

  • ‘Jehova i King blong olwe’ (16)

11

• Go long Jehova blong haed

  • “Jehova i stap long holi tempol blong hem” (4)

  • God i no laekem nating eni man we i laekem faet (5)

12

• Jehova i stanap blong tekem aksen

  • Ol tok blong God oli klin gud (6)

13

• Wantem tumas we Jehova i sevem yu

  • ‘O Jehova, ?gogo kasem wetaem?’ (1, 2)

  • Jehova i blesem man bigwan (6)

14

• Fasin blong wan man we i krangke

  • “I no gat Jehova” (1)

  • “I no gat wan man i stap mekem samting we i gud” (3)

15

• ?Hu i save stap olsem gest long tent blong Jehova?

  • Long hat blong hem, hem i stap tok tru oltaem (2)

  • Hem i no spolem nem blong ol narafala (3)

  • Hem i gohed blong holem promes, nating se hem i harem nogud (4)

16

• Jehova i stamba blong ol gudfala samting

  • “Jehova i olsem evri samting we mi gat” (5)

  • ‘Ol tingting blong mi oli stretem mi long naet’ (7)

  • ‘Jehova i stap long raethan blong mi’ (8)

  • “Bambae yu no livim mi mi stap long Gref” (10)

17

• Prea blong God i protektem yu

  • “Yu yu jekemgud hat blong mi finis” (3)

  • “Long sado blong ol wing blong yu” (8)

18

• Presem God from i sevem yumi

  • “Jehova i olsem hol blong ston blong mi” (2)

  •  Jehova i holemstrong long man we i holemstrong long hem (25)

  • Rod blong tru God i stret gud (30)

  • “Tingting blong yu we i stap daon i leftemap mi” (35)

19

• Ol samting we God i wokem mo loa oli talemaot hem

  • “Heven i stap talemaot glori blong God” (1)

  • Loa blong God we i stret gud i givimbak paoa (7)

  • “Ol sin we mi mekem be mi no save” (12)

20

• God i sevem king ya we hem i makemaot

  • Sam oli dipen long ol jariot, mo ol hos, ‘be mifala i singaot long nem blong Jehova’ (7)

21

• Ol blesing blong king we i trastem Jehova

  • Hem i givim longfala laef long king (4)

  • Bambae oli winim ol enemi blong God (8-12)

22

• Oli harem nogud be naoia oli presem God.

  • “God blong mi, God blong mi, ?from wanem yu lego mi?” (1)

  • “Oli sakem ol spesel ston from klos blong mi” (18)

  • Presem God long kongregesen (22, 25)

  • Fulwol bambae i wosipim God (27)

23

• “Jehova i Man Blong Lukaot Long Sipsip, we i lukaot gud long mi”

  • “Bambae mi no sot long wan samting” (1)

  • “Hem i stap mekem mi mi harem gud” (3)

  • “Kap blong mi i fulap gud” (5)

24

• King we i hae we i hae i kam insaed long ol get

  • ‘Wol i blong Jehova’ (1)

25

• Wan prea blong God i lidim mo fogivim man

  • “Yu tijim mi long ol rod blong yu” (4)

  • “Olgeta we oli fren gud wetem Jehova” (14)

  • “Yu fogivim olgeta sin blong mi” (18)

26

• Wokbaot folem ol fasin we i stret

  • “O Jehova, yu jekem gud laef blong mi” (2)

  • Stap longwe long rabis kampani (4, 5)

  • ‘Bambae mi maj raon long olta blong God’ (6)

27

• Jehova i strong ples we i protektem laef blong mi

  • Glad tumas from tempol blong God (4)

  • Jehova i kea nating se papa mo mama i no kea (10)

  • “Putum hop blong yu long Jehova” (14)

28

• God i harem prea blong man blong raetem sam

  • ‘Jehova i paoa mo i sil blong mi’ (7)

29

• Bigfala voes blong Jehova

  • Werem ol klos we i tabu mo mekem wosip (2)

  • “God ya we i hae olgeta, i mekem bigfala noes olsem tanda” (3)

  • Jehova i mekem ol man blong hem oli strong (11)

30

• Sosore i jenis i kam taem blong glad

  • Taem God i glad long man, hem i mekem olsem long ful laef blong man ya (5)

31

• Go long Jehova blong haed

  • “Mi mi putum spirit blong mi long han blong yu” (5)

  • “Jehova, God blong trutok” (5)

  • Gudfala fasin blong God i bigwan tumas (19)

32

• Man we i fogivim narafala, hem i glad

  • “Mi talemaot sin blong mi long yu” (5)

  • God i givim waes long yu (8)

33

• Presem Man ya we i wokem olgeta samting

  • “Singim wan niufala singsing long hem” (3)

  • Jehova i yusum tok blong hem mo spirit blong hem blong wokem olgeta samting (6)

  • Nesen blong Jehova i glad (12)

  • Ae blong Jehova i stap lukluk long evri ples (18)

34

• Jehova i sevem ol man blong wok blong hem

  • “I gud yumi joen blong leftemap nem blong hem” (3)

  •  Enjel blong Jehova i protektem ol man (7)

  • “Yu testem mo luk se Jehova i gud” (8)

  • ‘I no gat wan bun blong hem i brok’ (20)

35

• Prea we man i mekem blong God i tekemaot hem long ol enemi

  • Bambae oli ronemaot ol enemi (5)

  • Presem God long medel blong bigfala hip blong ol man (18)

  • Oli no laekem mi blong nating nomo (19)

36

• Fasin blong God blong lavem ol man oltaem, i gud tumas

  • Man nogud i no fraet long God (1)

  • God i stamba blong laef (9)

  • “From laet blong yu, mifala i save luk laet” (9)

37

• Olgeta we oli stap trastem Jehova bambae oli win

  • Yu no mas harem nogud from ol rabis man (1)

  • “I gud yu faenem bigfala glad long Jehova” (4)

  • “Yu putum ol samting long laef blong yu long han blong Jehova” (5)

  • “Ol man we oli gat tingting daon bambae oli tekem wol ya i blong olgeta” (11)

  • Ol stret man bambae oli neva sot long kakae (25)

  • Ol stret man bambae oli laef olwe long wol (29)

38

• Prea blong man we i harem nogud, i tanem tingting blong hem

  • “Mi mi harem nogud tumas mo tingting blong mi i foldaon olgeta” (6)

  • Jehova i lesin long olgeta we oli stap wet long hem (15)

  • “Sin blong mi i mekem tingting blong mi i trabol tumas” (18)

39

• Laef i sot nomo

  • Man i olsem win nomo we i kamaot long maot (5, 11)

  • “Yu no ting nating long wota blong ae blong mi” (12)

40

• Talem tangkiu long God ya we yumi no save skelem hem wetem wan samting

  • Ol wok blong God oli plante tumas, man i no save tokbaot evriwan (5)

  • Ol sakrefaes oli no ol faswan samting we God i tingbaot (6)

  • “O God blong mi, mi mi glad tumas blong mekem wil blong yu” (8)

41

• Prea blong man we i sik, i stap ledaon long bed

  • God i gohed blong lukaot long man we i sik (3)

  • Wan gudfala fren i tanraon i agensem mi (9)

42

• Yumi presem God olsem Bigfala Sevia blong yumi

  • Mi tosta from God olsem wan dia we i tosta from wota (1, 2)

  • “?From wanem tingting blong mi i kam nogud?” (5, 11)

  • “Bambae mi wet long God” (5, 11)

43

• God i olsem Jaj we i seven man

  • ‘Sanem laet mo trutok blong yu i kam’ (3)

  • “?From wanem tingting blong mi i kam nogud?” (5)

  • “Bambae mi wet long God” (5)

44

• Wan prea blong askem help

  • “Yu nao yu sevem mifala” (7)

  • “Olsem ol sipsip we i blong kilim nomo” (22)

  • “!Yu girap, yu kam olsem helpa blong mifala!” (26)

45

• Mared blong king we oli makemaot hem

  • Toktok blong hem i gud tumas (2)

  • ‘God i olsem tron blong yu olwe’ (6)

  • King bambae i wantem tumas woman ya we bambae i mared, from i naes (11)

  • Ol boe oli olsem ol prins long olgeta ples long wol (16)

46

• “God i ples blong haed blong yumi”

  • God i mekem plante samting blong sapraes (8)

  • God i stap finisim ol wo long olgeta ples long wol (9)

47

• God i King long olgeta ples long wol

  • ‘Jehova i mekem plante samting blong sapraes mo fraet’ (2)

  • Yumi singim ol sing blong presem God (6, 7)

48

• Saeon, taon blong Bigfala King

  • I mekem ol man long fulwol oli glad (2)

  •  Jekem gud taon mo ol taoa blong hem (11-13)

49

• I krangke nomo blong trastem ol rij samting

  • I no gat wan man i save pembak wan narafala man (7, 8)

  • God i stap tekemaot man long Gref (15)

  • Ol rij samting oli no save sevem man blong i no ded (16, 17)

50

• God i jajem ol man we oli holemstrong long hem mo ol man nogud

  • Kontrak blong God i stanap from sakrefaes (5)

  • “God nomo i Jaj” (6)

  • Olgeta animol oli blong God (10, 11)

  • God i mekem ol man nogud oli kamaot long klia ples (16-21)

51

• Prea blong wan man we i tanem tingting blong hem

  • Gat sin finis taem mi stap long bel blong mama blong mi (5)

  • ‘Yu tekemaot sin blong mi, nao bambae mi klin’ (7)

  • “Plis yu wokem wan hat we i klin gud insaed long mi” (10)

  • Wan hat we i harem nogud i mekem God i glad (17)

52

• Trastem fasin blong God blong lavem ol man oltaem

  • Man we i tokflas from rabis fasin, i kasem woning (1-5)

  • Ol man we oli no bilif long God oli trastem ol rij samting (7)

53

• Fasin blong man we i krangke

  • “I no gat Jehova” (1)

  • “I no gat wan man i stap mekem samting we i gud” (3)

54

• Wan prea we man i askem help taem hem i stap long medel blong ol enemi

  • “God i helpa blong mi” (4)

55

• Wan prea we man i mekem taem wan fren i agensem hem

  • Wan gudfala fren i stap tok nogud (12-14)

  • “Sakem ol hevi baden blong yu long Jehova” (22)

56

• Wan prea we man i mekem taem oli ronem hem blong kilim hem

  • “God ya, mi mi trastem hem” (4)

  • “Ol wota blong ae blong mi long skin botel” (8)

  • “?Man we i nating nomo, i save mekem wanem long mi?” (4, 11)

57

• Wan prea we man i mekem blong God i sore long hem

  • Haed aninit long ol wing blong God (1)

  • Ol enemi oli foldaon long prapa trap blong olgeta (6)

58

• I gat wan God we i stap jajem wol ya

  • Prea blong oli panisim ol man nogud (6-8)

59

• God i wan sil mo wan ples blong haed

  • “Yu no mas gat sore long ol man we oli stap tanem baksaed long ol narafala” (5)

  • “Bambae mi singsing blong talemaot paoa blong yu” (16)

60

• God i winim ol enemi

  • Samting we man i mekem blong sevem man, i nating nomo (11)

  • “Bambae mifala i kasem paoa long God” (12)

61

• God, wan strong taoa we i stanap agensem ol enemi

  • “Bambae mi wan gest long tent blong yu” (4)

62

• Trufala rod blong sevem man i kam long God

  • “Mi mi stap kwaet nomo mi wet long God” (1, 5)

  • ‘Long fes blong God, yufala i talemaot olgeta samting we i stap long hat blong yufala’ (8)

  • Ol man oli olsem win blong maot (9)

  • No mas trastem ol sas samting (10)

63

• Wantem God tumas

  • “Fasin blong yu blong lavem man oltaem, i gud moa i winim laef” (3)

  • “Fulap gud long ol haf we i beswan” (5)

  • Mi tingting dip long yu long naet (6)

  • ‘Mi fasgud long God’ (8)

64

• God i protektem man long ol rabis plan we oli haed

  • “God bambae i sutum olgeta” (7)

65

• God i lukaot gud long wol ya

  • “Man blong harem ol prea” (2)

  • ‘Man we yu jusum, hem i glad’ (4)

  •  Ol gudfala samting blong God (11)

66

• Ol wok blong God we oli mekem man i sapraes tumas

  • “Yufala i kam luk ol wok blong God” (5)

  • “Bambae mi mekem ol samting we mi promes long yu” (13)

  • God i harem ol prea (18-20)

67

• Ol man long olgeta ples long wol bambae oli fraet long God

  • Ol man bambae oli save fasin blong God (2)

  • ‘I gud olgeta man oli presem God’ (3, 5)

  • “God bambae i blesem mifala” (6, 7)

68

• ‘I gud ol enemi blong God oli go wanwan’

  • Wan “papa blong ol pikinini we oli no gat papa” (5)

  • God i givim wan hom long man we i stap hem wan nomo (6)

  • Ol woman oli talemaot gud nius (11)

  • Ol man we oli olsem presen (18)

  • ‘Jehova, evri dei i stap karem ol hevi samting blong yumi’ (19)

69

• Wan prea we man i mekem blong God i sevem hem

  • “Strong tingting we mi gat from haos wosip blong yu i olsem faea insaed long mi” (9)

  • “Yu ansa long mi kwiktaem” (17)

  • “Oli givim vinega long mi” (21)

70

• Askem help kwiktaem

  • “Yu tekem aksen kwiktaem long bihaf blong mi” (5)

71

• Strong tingting blong ol olfala

  • Trastem God stat taem oli yangfala (5)

  • “Taem mi no moa strong” (9)

  • ‘God i tijim mi stat taem mi yangfala nomo’ (17)

72

• King we God i jusumaot, i rul long pis

  • “Bambae ol stret man oli olsem gras we i gru gud” (7)

  • Oli stap long evri ples, i stat long narasaed solwota i go kasem narasaed (8)

  • Bambae hem i tekemaot olgeta long faet (14)

  • I gat plante kakae long wol (16)

  • Ol man oli presem nem blong God olwe (19)

73

• Wan man blong God i kasembak gudfala tingting

  • “Klosap leg blong mi i gowe long stret rod” (2)

  • “Fuldei tingting blong mi i trabol” (14)

  • “Gogo kasem we mi go insaed long tabu ples ya blong God” (17)

  • Ol man nogud long graon we i glis (18)

  • Kam klosap long God, hemia i gud tumas (28)

74

• Wan prea blong God i tingbaot ol man blong hem

  • Oli tingbaot bakegen ol wok we God i mekem blong sevem ol man (12-17)

  • “Yu tingbaot ol rabis tok we ol enemi oli stap talem” (18)

75

• God i jajem man long stret fasin

  • Ol man nogud bambae oli dring long kap blong Jehova (8)

76

• God i winim ol enemi blong Saeon

  • God i stap sevem olgeta man long wol we oli gat tingting daon (9)

  • Hem i stap daonem ol enemi we oli praod (12)

77

• Prea we man i mekem taem i harem nogud

  • Tingting dip long ol wok blong God (11, 12)

  • ‘?Hu i hae olsem yu, O God?’ (13)

78

• God i kea mo ol man Isrel oli no gat bilif

  • Yufala i talemaot long ol fiuja jeneresen (2-8)

  • “Oli no bilif long God” (22)

  • “Ol sid blong heven” (24)

  • “Oli mekem Tabu Man blong Isrel i harem nogud” (41)

  • Stat long Ijip kasem Promes Lan (43-55)

  • ‘Oli gohed blong traem God’ (56)

79

• Wan prea we oli mekem taem ol nesen oli kam agensem ol man blong God

  • ‘Mifala i olsem wan samting blong tok nogud long hem’ (4)

  • ‘Yu halpem mifala from nem blong yu’ (9)

  • ‘Plis yu givimbak long ol neba blong mifala seven taem moa’ (12)

 80

• Man blong lukaot long sipsip, we i stap lukaot long Isrel, i wantem ples blong hem i kam gud bakegen

  • “O God, yu putumbak mifala” (3)

  • Isrel i olsem rop blong grep blong God (8-15)

81

• Tok we i pulum man blong obei

  • No wosipim ol god blong narafala kantri (9)

  • ‘Sipos yufala i lesin nomo long mi’ (13)

82

• Oli wantem wan jajmen we i stret

  • God i mekem jajmen “long medel blong ol god” (1)

  • “Difendem man we i no gat nem” (3)

  • “Yufala i god” (6)

83

• Wan prea we man i mekem taem i stap fesem ol enemi

  • “O God, yu no stap kwaet” (1)

  • Ol enemi oli olsem ol rabis gras we i stap rol olbaot (13)

  • Nem blong God hem i Jehova (18)

84

• Wantem tumas bigfala tabenakel blong God

  • Wan Livaet i wantem tumas blong kam olsem wan pijin (3)

  • “Wan dei nomo long yad blong yu” (10)

  • “God i wan san mo wan sil” (11)

85

• Wan prea blong mekem evri samting i kam gud bakegen

  • God bambae i tokbaot pis long olgeta we oli holemstrong long hem (8)

  • Fasin blong lavem man oltaem mo fasin blong holemstrong, bambae tufala i mit (10)

86

• I no gat god olsem Jehova

  • Jehova i rere blong fogif (5)

  • Olgeta nesen bambae oli wosipim Jehova (9)

  • “Yu tijim mi long rod blong yu” (11)

  • “Yu mekem hat blong mi i kam wan nomo” (11)

87

• Saeon, taon blong tru God

  • Olgeta we oli bon long Saeon (4-6)

88

• Wan prea we man i mekem blong i no ded

  • “Laef blong mi i stap klosap long maot blong Gref” (3)

  • ‘Evri moning mi stap prea long yu’ (13)

89

• Singsing blong tokbaot fasin blong Jehova blong lavem man oltaem

  • Wan kontrak wetem Deved (3)

  • Pikinini blong Deved bambae i stap olwe (4)

  • Man we God i makemaot i singaot Hem se “Papa” (26)

  • Kontrak blong Deved i mas kamtru (34-37)

  • Man i no save ronwe long Gref (48)

90

• God we i stap oltaem mo man we i laef sot taem nomo

  • Wan taosen yia i olsem yestede (4)

  • Man i laef seventi kasem eiti yia (10)

  • “Tijim mifala olsem wanem blong kaontem ol dei blong mifala” (12)

91

• Kasem proteksen long sikret ples blong God

  • Tekemaot man long man blong kasem pijin (3)

  • Go haed aninit long ol wing blong God (4)

  • Oli sef nating se taosen man i foldaon (7)

  • Givim oda long ol enjel blong oli gad (11)

92

• Leftemap Jehova olwe

  • Ol bigfala wok blong hem mo ol tingting blong hem oli dip we oli dip (5)

  • ‘Ol stret man bambae oli gru gud olsem wan tri’ (12)

  • Ol olfala bambae oli gohed blong karem frut (14)

93

• Bigfala rul blong Jehova

  • “!Jehova i kam King finis!” (1)

  • ‘Man i save trastem ol rimaenda blong yu’ (5)

94

• Wan prea blong God i givimbak long man

  • “?Ol man nogud bambae oli gohed kasem wetaem?” (3)

  • Taem Jah i stretem man, bambae i mekem se man i glad (12)

  • God bambae i no lego ol man blong hem (14)

  • “Yusum loa blong mekem trabol” (20)

95

• Tru wosip i joen wetem fasin blong obei

  •  “Tede, sipos yufala i lesin long voes blong hem” (7)

  • “Yufala i no mas mekem hat blong yufala i strong” (8)

  • “Bambae oli no kasem spel blong mi” (11)

96

• “Yufala i singim wan niufala singsing i go long Jehova”

  • I stret nomo blong presem Jehova (4)

  • Ol god blong ol man, oli gud blong nating nomo (5)

  • Werem klos we i tabu mo mekem wosip (9)

97

• Ol man oli leftemap Jehova i bitim ol narafala god

  • “!Jehova i kam King finis!” (1)

  • Lavem Jehova, no mas laekem nating samting we i nogud (10)

  • Laet blong ol stret man (11)

98

• Jehova, Sevia mo stret Jaj

  • Jehova i talemaot finis rod blong hem blong sevem man (2, 3)

99

• Jehova, King ya we i tabu

  • I sidaon i stap rul antap long ol jerubim (1)

  • Wan God we i stap fogivim man mo i givim panis (8)

100

• Yumi talem tangkiu long God ya we i wokem ol samting

  • “Mekem wok blong Jehova we yufala i glad” (2)

  • ‘God nao i mekem yumi’ (3)

101

• Wan rula we i mekem samting folem stret fasin

  • ‘Bambae mi no letem man we i flas i stap’ (5)

  • ‘Bambae mi lukluk i go long ol man we oli holemstrong’ (6)

102

• Wan prea blong wan man we i harem nogud from narafala i spolem hem

  • “Mi olsem wan pijin we i no gat fren” (7)

  • ‘Ol dei blong laef blong mi, oli sado we i stap lus sloslo’ (11)

  • “Jehova bambae i wokem gud Saeon bakegen” (16)

  • Jehova i stap olwe (26, 27)

103

• “I gud mi presem Jehova”

  • God i putum ol sin blong yumi longwe we longwe (12)

  • God i wan papa we i gat sore (13)

  • God i tingbaot we yumi das nomo (14)

  • Tron blong Jehova mo rul blong hem (19)

  • Ol enjel oli stap mekem ol samting we God i talem (20)

104

• Yumi presem God from ol bigfala wok we hem i mekem

  • Wol bambae i stap olwe (5)

  • Waen mo bred, i blong ol man (15)

  • “!Ol wok blong yu oli plante we plante!” (24)

  • ‘Sipos yu tekemaot win, oli ded’ (29)

105

• Ol gudfala samting we Jehova i mekem long ol man blong hem

  • God i tingbaot kontrak blong hem (8-10)

  • “Yufala i no mas tajem ol man blong mi we mi makemaot olgeta” (15)

  • God i yusum Josef we oli salem hem i kam slef (17-22)

  • Ol merikel blong God long Ijip (23-36)

  • Ol man Isrel oli aot long Ijip (37-39)

  • God i tingbaot promes blong hem wetem Ebraham (42)

106

• Ol man Isrel oli no gat tangkiu

  • Kwiktaem nomo oli fogetem ol samting we God i mekem (13)

  • Oli givim glori we God i sud kasem i go long wan bul (19, 20)

  • Oli no bilif long promes blong God (24)

  • Oli joen long wosip blong Bal (28)

  • Oli bonem ol pikinini olsem sakrefaes i go long ol dimon (37)

107

• Talem tangkiu long God from ol gudgudfala wok blong hem

  • Hem i lidim olgeta long stret rod (7)

  • Hem i mekem olgeta we oli tosta mo oli hanggri oli harem gud (9)

  • Hem i tekemaot olgeta long tudak (14)

  • Hem i sanem tok blong hem blong hilim olgeta (20)

  • Hem i protektem ol puaman blong ol man oli no mekem i strong long olgeta (41)

108

• Wan prea we ol man oli mekem from oli winim ol enemi

  • Samting we man i mekem blong sevem man, i nating nomo (12)

  •  “Bambae mifala i kasem paoa long God” (13)

109

• Prea blong wan man we i harem nogud

  • “I gud wan narafala man i holem wok blong hem” (8)

  • God i stanap long saed blong puaman (31)

110

• Wan king mo pris olsem Melkisedek

  • ‘Rul long ol enemi we oli stap aninit long yu’ (2)

  • Ol yang man we oli glad nomo blong wok, oli olsem wota blong naet (3)

111

• Presem Jehova from ol bigfala wok blong hem

  • Nem blong God i tabu mo i gud tumas (9)

  • Fasin blong fraet long Jehova, hem i waes (10)

112

• Wan man we i stret, hem i fraet long Jehova

  • Man we i stap givim samting long gladhat, blong man i yusum fastaem, bambae i kasem gudfala samting from (5)

  • “Ol man bambae oli tingbaot ol stret man blong olwe” (6)

  • Man we i stap givim samting long gladhat, i stap givim samting long puaman (9)

113

• God we i stap long ples ya we i hae olgeta, i stap leftemap olgeta we oli no gat nem

  • Ol man oli presen nem blong Jehova olwe (2)

  • God i bendaon (6)

114

• Tekemaot Isrel long Ijip

  • Solwota i ronwe (5)

  • Ol bigfala hil oli jamjam olbaot olsem ol man sipsip (6)

  • Springwota i kamaot long bigfala ston we i gat flin long hem (8)

115

• Ol man oli mas leftemap nem blong God nomo

  • Ol aedol oli no gat laef (4-8)

  • God i givim wol long man (16)

  • “Olgeta we oli ded, oli no save presem Jah” (17)

116

• Wan singsing blong talem tangkiu

  • “?Bambae mi givim wanem long Jehova olsem pei?” (12)

  • “Bambae mi tekem kap ya we i blong sevem man” (13)

  • “Bambae mi mekem olgeta samting we mi promes long Jehova” (14, 18)

  • I sas tumas long ae blong God blong letem wan man we i holemstrong long hem i ded (15)

117

• Wan mesej i go long olgeta nesen blong oli presem Jehova

  • Fasin blong God blong lavem man oltaem, i bigwan tumas (2)

118

• Yumi tangkiu from Jehova i win

  • ‘Mi singaot long Jah, mo hem i ansa finis’ (5)

  • “Jehova i stap long saed blong mi” (6, 7)

  • Ston we oli sakem, i kam nambawan ston long kona (22)

  • ‘Man we i stap kam long nem blong Jehova’ (26)

119

• Ol man oli glad from tok blong God we i gud tumas

  • ‘?Olsem wanem wan yangfala i save mekem laef blong hem i klin?’ (9)

  • “Mi mi laekem ol rimaenda blong yu tumas” (24)

  • “Tok blong yu hem i hop blong mi” (74, 81, 114)

  • “!Mi mi lavem loa blong yu tumas!” (97)

  • “Gat hed moa i winim evri tija blong mi” (99)

  • “Tok blong yu hem i laet blong leg blong mi” (105)

  • “Stamba blong tok blong yu, hem i trutok” (160)

  • Olgeta we oli lavem loa blong God, oli kasem pis (165)

120

• Wan man blong narafala kantri i wantem tumas blong gat pis

  • ‘Yu tekemaot mi long ol man blong trik’ (2)

  • “Mi mi wantem pis” (7)

121

• Jehova i blokem gud ol man blong hem

  • “Help we bambae mi kasem, i kam long Jehova” (2)

  • Jehova i neva slip (3, 4)

122

• Wan prea we oli mekem blong i gat pis long Jerusalem

  • Glad we man i kasem taem i stap go long haos blong Jehova (1)

  •  Wan taon we oli joenem olgeta i kam wan (3)

123

• Lukluk i go long Jehova blong i kaen long mi

  • ‘Olsem ol man blong wok, yumi lukluk i go long Jehova’ (2)

  • “Mifala i taed gud long fasin ya we ol man oli stap lukluk rabis long mifala” (3)

124

• “Sipos Jehova i no bin stap wetem yumi”

  • Ronwe long trap ya we i brok finis (7)

  • “Yumi kasem help from nem blong Jehova” (8)

125

• Jehova i protektem ol man blong hem

  • “Olsem we ol bigfala hil oli raonem gud Jerusalem” (2)

  • “I gud i gat pis long Isrel” (5)

126

• Saeon i glad from i kam gud bakegen

  • “Jehova i mekem ol bigbigfala samting” (3)

  • Oli stap krae, be naoia oli glad (5, 6)

127

• Sipos God i no stap, evri samting i blong nating nomo

  • “Sipos Jehova i no bildim haos” (1)

  • Ol pikinini, oli ol presen we oli kam long God (3)

128

• Glad i kamaot taem man i fraet long Jehova

  • Waef i olsem wan rop blong grep we i stap karem plante frut (3)

  • ‘I gud yu luk we Jerusalem i stap gohed gud’ (5)

129

• Oli atakem mi be oli no win

  • Ol man we oli no laekem Saeon nating, oli sem (5)

130

• “Long ples we i dip, mi singaot i kam long yu”

  • “Sipos yu stap lukluk ol mastik nomo” (3)

  • Jehova i stap fogivim ol man we i no giaman (4)

  • “Mi mi gohed nomo blong wet long Jehova” (6)

131

• Mi harem gud olsem wan smol pikinini we i lego titi finis

  • Mi no stap traehad blong kasem sam bigfala samting (1)

132

• Jusumaot Deved mo Saeon

  • “Yu no sakemaot man ya we yu makemaot hem” (10)

  • Ol pris blong Saeon oli werem rod blong sevem man olsem klos (16)

133

• Oli stap wanples we oli joen gud

  • Olsem oel long hed blong Eron (2)

  • Olsem wota blong naet long hil ya Hemon (3)

134

• Presem God long naet

  • “Yufala i leftemap han blong yufala long fasin we i tabu” (2)

135

• Presem Jah from we hem i hae olgeta

  • Ol saen mo ol merikel agensem Ijip (8, 9)

  • “Nem blong yu i stap olwe” (13)

  • Ol aedol oli no gat laef (15-18)

136

• Fasin blong Jehova blong lavem man oltaem i stap olwe

  • Hem i mekem heven mo wol long fasin we i nambawan tumas (5, 6)

  • Fero i ded long Red Si (15)

  • God i tingbaot olgeta we oli harem nogud (23)

  • Kakae long olgeta samting we oli gat laef (25)

137

• Klosap long ol reva blong Babilon

  • Oli no singsing long wan singsing blong Saeon (3, 4)

  • Bambae oli spolem Babilon (8)

138

• Nating se God i hae, be hem i kea

  • ‘Yu yu ansa long prea blong mi’ (3)

  • ‘Nating se mi stap long denja, yu yu sevem mi’ (7)

139

• God i save gud ol man blong wok blong hem

  • No save ronwe long spirit blong God (7)

  • “Yu mekem mi long wan fasin we i nambawan tumas” (14)

  • “Yu luk mi finis nating se bodi blong mi i jes stat blong gru” (16)

  • “Yu lidim mi long rod we i no gat en blong hem” (24)

140

• Jehova, strongfala Sevia

  • Ol man nogud oli olsem snek (3)

  • Ol man blong faet bambae oli foldaon (11)

141

• Wan prea we man i mekem blong God i protektem hem

  • “I gud prea blong mi i olsem insens” (2)

  •  Ol tok blong stretem stret man i olsem oel (5)

  • Ol man nogud oli foldaon long trap blong olgeta bakegen (10)

142

• Wan prea we man i mekem blong God i tekemaot hem long ol man blong spolem man

  • “I no gat wan ples we mi save ronwe i go long hem” (4)

  • ‘Yu yu olgeta samting we mi gat’ (5)

143

• Tosta from God olsem wan drae graon

  • ‘Mi stap tingting long ol wok blong yu’ (5)

  • “Plis yu tijim mi blong mekem wil blong yu” (10)

  • ‘I gud spirit blong yu we i gud tumas i lidim mi’ (10)

144

• Wan prea we man i mekem blong i win

  • ‘Man i nating nomo’ (3)

  • ‘I gud ol enemi oli ron wanwan’ (6)

  • Ol man blong Jehova oli glad (15)

145

• Presem God, King ya we i hae

  • ‘Bambae mi talemaot haenem blong God’ (6)

  • “Jehova i mekem i gud long olgeta samting” (9)

  • “Ol man we oli holemstrong long yu, bambae oli presem yu” (10)

  • Rul blong God we i stap gogo i no save finis (13)

  • Han blong God i mekem olgeta samting oli harem gud (16)

146

• Trastem God, i no man

  • Taem man i ded, ol tingting blong hem oli finis (4)

  • God i leftemap olgeta we oli harem nogud gogo oli kam slak (8)

147

• Presem God from ol bigfala wok blong hem mo fasin blong hem blong lavem man

  • Hem i mekem olgeta we hat blong olgeta i brok, oli harem gud bakegen (3)

  • Hem i stap singaot olgeta sta long nem blong olgeta (4)

  • Hem i sanem sno i kavremap olgeta ples olsem wul (16)

148

• Olgeta samting oli mas presem Jehova

  • “Ol enjel blong hem, yufala i presem hem” (2)

  • ‘San, mun, mo ol sta, yufala i presem hem’ (3)

  • Yangfala mo olfala bambae oli presem God (12, 13)

149

• Wan singsing blong presem God from i win

  • God i glad long ol man blong hem (4)

  • Ona i blong olgeta we oli holemstrong long God (9)

150

• I gud evri samting we oli pulum win oli presem Jah

  • !Halelujah! (1, 6)