Yihowa Farciˈraasine Hiittoo Mannaati?
Ninke Yihowa Farciˈraasine addi addi gaˈrenni gamba yinoommorenna babbaxxino afoo coyiˈneemmore ikkinummorono mittimma noonkereeti. Duuchunkurinni roorsine, Qullaawu Maxaafi kulannohanna woˈmunku coyi Kalaqaancho ikkino Magano, Yihowa gotti gotti assa hasiˈneemmo. Yesuusi Kiristoosi lawishsha harunsate woˈnaalleemmo; Kiristaana ikkankeno lowo geeshsha hagiirsiissannonke. Ninke mittu mittunku, mannu Qullaawu Maxaafi yaannorenna Maganu Mangistere afanno gede ganyine rosiinseemmo. Maganu Yihowarenna Mangistesire farciˈneemmo woy coyiˈneemmo daafira Yihowa Farciˈraasine yaamammeemmo.
Webisayitenke daaˈˈati. Qullaawa Maxaafa interneetete aana nabbawa dandaatto. Ninke ayimmanna mayine ammanneemmoro ledde afate woˈnaali.