Dipus di 4026 AEK

“Serpenti” disafia diritu di Jeova guverna ku si manera di guverna. Jeova purmiti lantanda un “fiju” ku na masa Serpenti, ku sedu Satanas. (Kumsada 3:1-5, 15, NM) Ma Jeova disa inda pa pekaduris guverna bas di influensia di Satanas.

1943 AEK

Jeova konta Abraon di kuma “fiju” purmitidu na bin di si jorson. — Kumsada 22:​18, NM.

Dipus 1070 AEK.

Jeova garanti Rei Davi ku si fiju Salomon di kuma “fiju” purmitidu na bin di se familia. — 2 Samuel 7:12, 16; 1 Reis 9:3-5; Isaias 9:6, 7.

29 EK

Jeova identifika Jesus suma “fiju” purmitidu, Erderu di tronu di Davi. — Gálatas 3:16; Lukas 1:31-33; 3:21, 22.

 33 EK

Serpenti ku sedu Satanas murdi “fiju” purmitidu pa manera ki pui Jesus matadu. Jeova resusita Jesus pa un vida na seu. I seta balur di vida perfeitu di Jesus, kila pirmiti pa i ten purdon di pekadu i yabri opurtunidadi pa pekaduris mperfeitu tene vida ku ka ta kaba, ku Adon pirdi. — Kumsada 3:15; Atus 2:32-36; 1 Koríntius 15:​21, 22.

1914 EK o puku dipus

Jesus ferca serpenti, Satanas, pa Tera, nunde ki na fika pa puku tempu. — Apokalipsi 12:7-9, 12.

Futuru

Jesus na prindi Satanas pa 1.000 anu dipus i na masal na kabesa, es signifika i na kaba kel. Intenson ku Deus teneba pa Tera ku pekaduris na kumpri, si nomi na limpadu di tudu susidadi, i si manera di guverna ka na disafiadu mas. — Apokalipsi 20:1-3, 10; 21:3, 4.