Chiʼ qʼaxinaq chi ri junabʼ 4026 a.C.

Ri «kumatz» xubʼij che yatal ta che ri Jehová kuqʼat tzij xuqujeʼ xubʼij che utz ta ri kubʼan che uqʼatik tzij. Jehová xutzujuj che kpe na jun ijaʼlil che kutakʼalej na ri kumatz, Satanás (Génesis 3:1-5, 15). Are kʼu kuyaʼo che kqʼax jun tiempo rech ri winaq kkiqʼat tzij chbʼil kibʼ chuxeʼ ri utaqanik ri Satanás.

Junabʼ 1943 a.C.

Jehová xubʼij che ri Abrahán che jun chke ri ralkʼwal kubʼan na ri ijaʼlil che tzujum kanoq (Génesis 22:18).

Chiʼ qʼaxinaq chi ri junabʼ 1070 a.C.

Jehová xubʼij che ri ajawinel David, xuqujeʼ qʼaxinaq chi kebʼ oxibʼ tiempo che ri Salomón, che ri ijaʼlil che bʼim kanoq kpe pa ri kifamilia (2 Samuel 7:12, 16; 1 Reyes 9:3-5; Isaías 9:6, 7).

Junabʼ 29 d.C.

Jehová xuya ubʼixik che Jesús are ri ijaʼlil che tzujum loq xuqujeʼ ri kkʼojiʼ pa ri utʼuyulbʼal ri David (Gálatas 3:16; Lucas 1:31-33; 3:21, 22).

 Junabʼ 33 d.C.

Satanás, ri «kumatz», xubʼano che xkamisax ri Jesús, rukʼ wariʼ xsok kebʼ oxibʼ qʼij ri ijaʼlil che tzujum loq. Jehová xukʼastajisaj ri Jesús, xubʼano che xtzalij pa ri kaj xuqujeʼ xukʼam ri tojbʼal mak xuyaʼo. Rukʼ wariʼ xuya ri kajwatajik rech ksach ri kimak ri e ralkʼwal ri Adán rech kekunik kkiriq kikʼaslemal che kʼo ta ukʼisik (Génesis 3:15; Hechos 2:32-36; 1 Corintios 15:21, 22).

Naqaj che ri junabʼ 1914 d.C.

Jesús xukʼaq lo ri «kumatz» cho ri uwach Ulew xuqujeʼ xubʼij che kkʼojiʼ chilaʼ pa jubʼiqʼ tiempo (Apocalipsis 12:7-9, 12).

Petinaq

Jesús mil junabʼ kutzʼapij ri Satanás kʼisbʼal re kusachisaj uwach. Je waʼ kubʼan che utakʼalexik ri ujolom. Kbʼantaj na ri urayibʼal ri Jehová che ri uwach Ulew xuqujeʼ chke ri winaq junam rukʼ ri xraj nabʼe. Kux na chʼajchʼoj ri ubʼiʼ ri Dios, xuqujeʼ kilitajik che ri uqʼatoj tzij are ri más utz (Apocalipsis 20:1-3, 10; 21:3, 4).