Tsaʼan bʼa jabʼil 4026 bʼ.t.J.

Ja «bʼitsʼbʼichani» ya och duda ja sderecho yiʼoj ja Jyoba bʼa yajel mandari soka jastal wa skʼulani. Ja Jyoba skʼapa jun ‹intilal› bʼa oj sbʼat ja bʼitsʼbʼichani, ja Satanás (Génesis 3:1-5, 15). Pe bʼa jun tyempo wa xyakan ja ixuk winiki aya sbʼaje mandar yeʼnleʼita bʼa yibʼ skʼabʼ ja Satanás.

Jabʼil 1943 bʼ.t.J.

Ja Jyoba yala yabʼ ja Abrahán june ja ‹yintili› yeʼn oj kʼotuk ja intilal kʼapubʼali (Génesis 22:18).

Tsaʼan bʼa jabʼil 1070 bʼ.t.J.

Ja Jyoba yala yabʼ ja mandaranum David, sok tsaʼan ja yunin Salomón, ja ‹intilal› kʼapubʼali tini oj eluk bʼa spamilya (2 Samuel 7:12, 16; 1 Reyes 9:3-5; Isaías 9:6, 7).

Jabʼil 29 t.J.

Ja Jyoba ya chiknajuk yeʼn ja Jesús ja ‹intilal› kʼapubʼali sok ja maʼ oj sbʼajuk ja skujlayubʼ ja David (Gálatas 3:16; Lucas 1:31-33; 3:21, 22).

 Jabʼil 33 t.J.

Ja Satanás, ja «bʼitsʼbʼichani», yaʼa miljel ja Jesús, sok jachuk yajbʼesji bʼa jun tyempo ja ‹intilal› kʼapubʼali. Ja Jyoba ya sakʼwuk ja Jesús, ya kumxuk bʼa satkʼinal sok lek yila ja sakʼanil yaʼa bʼa mey yiʼoj mulal. Soka it ya kujlajuk bʼa yajel perdon ja mulali sok jachuk ja yintil ja Adán oj bʼobʼ ajyuk sakʼanile bʼa tolabida (Génesis 3:15; Hechos 2:32-36; 1 Corintios 15:21, 22).

Jabʼil 1914 t.J.

Ja Jesús sjipakon ja bʼitsʼbʼichani bʼa Luʼum sok yayi mandar aʼajyuk ja tiwi kechanta bʼa tʼusan tyempo (Apocalipsis 12:7-9, 12).

Tyempo jakumto

Ja Jesús oj slut mil jabʼil ja Satanás sok tsaʼan oj xchʼaysnajel. Jach jastal it oj sbʼatyi ja yolomi. Anto tixa oj kʼotuk ja jastal mero wa skʼana ajyi ja Jyoba sbʼaja Luʼumi soka ixuk winiki. Ja sbʼiʼil ja Dyos oj sakbʼuk bʼa spetsanil ja jastal akʼubʼal kuxbʼuk, sok cha ti oj chiknajuk ja smandar ja yeʼn masni leka (Apocalipsis 20:1-3, 10; 21:3, 4).