Xtitaxtunita 4026 a.n.J.

«Luwa» malakpuwaninan komo Jehová lakgchan namapakgsinan chu la mapakgsinan. Jehová wan pi “kam”, o «kilhtsukut», xʼama aktayami luwa, Satanás (Génesis 3:1-5, 15; nota). Pero kaj tsinu kilhtamaku, masta talakaskin pi latamanin xakstukan nakamapakgsikan chu wa Satanás tiku nakapulalin.

Kata 1943 a.n.J.

Jehová liwana wani Abrahán pi kxfamilia xʼama taxtu “kam” tiku xwankanit pi namin (Génesis 22:18).

Xtitaxtunita kata 1070 a.n.J.

Jehová liwana wani David chu alistalh xkgawasa Salomón, pi “kam” tiku wankanit pi namin xʼama taxtu kxfamilia (2 Samuel 7:12, 16; 1 Reyes 9:3-5; Isaías 9:6, 7).

Kata 29 a.x.J.

Jehová wan pi Jesús wa “kam” tiku xwankanit pi namin chu tiku natawila kxtamapakgsin David (Gálatas 3:16; Lucas 1:31-33; 3:21, 22).

 Kata 33 a.x.J.

Satanás, «luwa», tlawa pi namakgnikan Jesús chu tlawani tuku nitlan tsinu kilhtamaku “kam” nema xʼama min. Jehová malakastakwani Jesús, maspita kʼakgapun chu makgamakglhtinan xtapalh xlatamat nema ni kgalhi talakgalhin. Uma tuku lalh, makgtayanalh nakatapatikan xtalakgalhinkan chu xkamanan Adán tlan nalatamakgo putum kilhtamaku (Génesis 3:15; Hechos 2:32-36; 1 Corintios 15:21, 22).

Lakatsu kata 1914 a.x.J.

Jesús makamin «luwa» kKatiyatni chu xafuerza tlawa pi anta natamakgxtakga ni lhuwa kilhtamaku (Revelación 12:7-9, 12).

Tuku aku mima

Jesús lakgachinu akgtum mil kata Satanás chu alistalh malakgsputu. Chuna naʼaktayami. Chuna, kgantaxtu tuku xlakpuwanit Jehová xapulana xlakata Katiyatni chu latamanin. Chu xtukuwani Dios maskulunkikan xlakata tuku nitlan limawakakanit chu liwana tasiya pi tlakg tlan chuna la mapakgsinan (Revelación 20:1-3, 10; 21:3, 4).