Panyuma pa 4026 B.C.E.

“Lijoka” lyakayicile ulamusi wa Yehofa soni kalamulile kakwe. Yehofa ŵatesile cilanga cakupeleka “mbeju” jele jajicikasa mtwe wa lijoka, jwali Satana. (Genesesi 3:1-5, 15) Nambope, Yehofa apelece ndaŵi jakuti ŵandu alilamulile jika pasi pa ulamusi wa Satana.

1943 B.C.E.

Yehofa ŵamsalile Abulahamu kuti “mbejujo” jiciŵa jumo mwa mbagwilo syakwe.—Genesesi 22:18.

Panyuma pa 1070 B.C.E.

Yehofa ŵamsimicisye Mwenye Daudi soni kaneko mwanagwe, Solomoni kuti “mbeju” jicityocela mu msele wa liŵasa lyakwe.—2 Samuele 7:12, 16; 1 Ayimwene 9:3-5; Yesaya 9:6, 7.

29 C.E.

Yehofa ŵammanyikasisye Yesu kuti ali “mbeju” jele ŵajisasile kalakala soni kuti cacilamulila pa citengu ca Daudi.—Agalatiya 3:16; Luka 1:31-33; 3:21, 22.

 33 C.E.

Kwakandaŵi kamnono, Satana jwali lijoka, jwawulesye “mbejuji” mwakum’wulaga Yesu. Yehofa ŵamjimwisye Yesu ku ŵawe ni kwawula kwinani soni ŵajiticisye mtengo wa umi wakwe wamlama waŵapelece kuti ŵawombole ŵandu. Yeleyi yakamucisye kuti yakulemwa yikululucidwe soni yapelece upile wakuti ŵanace wa Adamu atame ni umi kwangamala.—Genesesi 3:15; Masengo 2:32-36; 1 Akolinto 15:21, 22.

M’ma 1914 C.E.

Yesu ŵamponyisye Satana jwali lijoka pacilambo capasi kuti atame kwa kandaŵi kamnono.—Ciwunukuko 12:7-9, 12.

Msogolo

Yesu cacimtaŵa Satana kwa yaka 1,000, kaneko cacikasanya mtwe wakwe gopolela kuti cacimjonanga. Lisosa lya Yehofa lya wakwete pandanda lyakwamba cilambo capasi soni ŵandu licikwanilicikwa. Lina lyakwe liciswejesedwa soni ulamusi uciŵa wakujilwa kulamulila.—Ciwunukuko 20:1-3, 10; 21:3, 4.