ဖဲနဒုးသ့ၣ်နီၣ်ယၤန့ၣ် ယကမၤထွဲ
ဒီလိး-
၁. ကြၢးမၤဒ်လဲၣ် လိၣ်ဟံးစုနဲၣ်ကျဲ
ဘၣ်ဒီးတၢ်ဘၣ်ယိၣ်တအိၣ်ကမၤယိယိဖိ
ဘၣ်ဒီးယလဲၤသ့တလိၣ် လၢယဟးဆှဲးအီၤ
ဘၣ်လဲၤကျဲဖဲလဲၣ်တဘိလဲၣ် ဘၣ်ဃုထၢဒ်လဲၣ်
ဘၣ်မၤဒ်လဲၣ် ဘၣ်ဆိမိၣ်ဒ်လဲၣ်
ဘၣ်ဒီးတၢ်ဘၣ်ယိၣ်အလီၢ် ကအိၣ်ဝဲအါမး
ကပှဲၤဒီးတၢ်လ့ပစီ, ကမၤလီၤဃံၢ်ယၤ
ဘၣ်လဲၤကျဲဖဲလဲၣ်တဘိလဲၣ် ယဟိဝၤဧၢ ဒိကနၣ်ယၤ.
(ခိရၢာ်)
ဖဲနဒုးသ့ၣ်နီၣ်ယၤ ယကအိၣ်မူထွဲယဲ
ဘၣ်ဒိကနၣ်ဒီးထီဘိပာ်လုၢ်ပာ်ပှ့ၤအီၤ
တၢ်လၢယနၢ်ဟူတ့ၢ်လၢနကလုၢ်ကထါ မ်အမၤစၢၤယၤ.
၂. ယဘၣ်ဃုသ့ၣ်ညါဒံး ဘၣ်သံကွၢ်လီၤတံၢ်
ယတအဲၣ်ဒိးမၤဘၣ်ဒိ မၤလီၤဃံၢ်ပှၤဂၤ
လၢယသးပူၤ အဲၣ်ဒိးမၤတၢ်ဘၣ်ယွၤအသး
ဘၣ်မၤဒ်လဲၣ် သ့ၣ်ညါထီၣ်လံ ဘၣ်မၤထွဲလံာ်စီဆှံ.
(ခိရၢာ်)
ဖဲနဒုးသ့ၣ်နီၣ်ယၤ ယကအိၣ်မူထွဲယဲ
မၤဆူၣ်ထီၣ်ယသး ဒီးဒုးကပီၤထီၣ်ယကျဲ
တၢ်လၢယနၢ်ဟူတ့ၢ်လၢနကလုၢ်ကထါ မ်အမၤစၢၤယၤ.
(ခိရၢာ်)
ဖဲနဒုးသ့ၣ်နီၣ်ယၤ ယကအိၣ်မူထွဲယဲ
မၤဆူၣ်ထီၣ်ယသး ဒီးဒုးကပီၤထီၣ်ယကျဲ
ယဖးမုၢ်ဆါမုၢ်နၤ တၢ်ကပီၤအိၣ်ဒီးယၤ
နမ့ၢ်အိၣ်လၢယကပၤ ယတပျံၤတၢ်ဘၣ်
တၢ်လၢယနၢ်ဟူတ့ၢ်လၢနကလုၢ်ကထါ မ်အမၤစၢၤယၤ.
