Gol:

• Wer ma Nigi Alama mag Thum

1. 1. Awinjo lit e pacha te; e chunya be.

   Jehova, ang’eyo ni naketho.

   Kuyo miyo aol; adwa teko mar chungo.

   Agombo mond’ aduog abed e kueth.

   (KORAS)

   Weche duto ma nipuonja, pod aparogi​—

   Adierani ma yudre e Wachni.

   Kata gimoro chwanya, kata kapodho,

   Pod anyalo chung’.

2. 2. Ang’eyo joma dewaga,

   Ma pok ool koda​—

   Gin joma ohero Jehova.

   Wachni en e tacha ma menyona yo mar duogo.

   Adwa duogo e yor ngima madier.

   (BANG’ STANZA MAR 2)

   Kuonde duto te, weche duto te, giparona maler:

   Giko chiegni chopo.

   (KORAS)

   Jehova, akwayi ni iwinj lamona,

   Konya mondo aduogi e yori.

   Kata gimoro chwanya seche duto,

   Pod anyalo chung’.

   (BANG’ KORAS MAR 2)

   Jehova ong’eya maber; ong’eyo ni adwaro kony.

   Ong’eyo nyawona moloyo jomoko duto.

   Odwaro ni atem matek.

   (KORAS)

   Koro nyaka adhi e chokruok, ane hera madier,

   Kama onego abedie.

   Kata gimoro chwanya, kata kapodho, pod anyalo chung’.

   Pod anyalo chung’.