Ngwece Dong Duny Mamit
Kwany:
1. Go ni pol matar tye malo,
Kun winyo wero mamit.
Ni itye ka wot i nota
Ma ceng ryeny maleng ki i polo.
Itye ka jolo joni,
Me amara ma gucer.
Dong kwo man i Paradic
Ngwece yam duny mamit ya!
2. Go ni ot mo tye i nota
Mukene tye i cere.
Kulu tye ka lelo matek
Kun mol cito ma nenone mit.
Poto romo akaya.
Wek lukac gucak ticgi.
Lobo ma watye iye
Ngwece yam duny mamit ya.
(LAKUB)
Ber me nywako ki luremwa
Jami ma yam wakuro-ni.
Gin ma miyo wakok dong pe.
Lobo dong nyen, dok kwowa nyen
3. Go ni dwan me yomcwiny winye
Ki ngwec lum manyen ngwene.
Ni itye kacel ki dano
Ma imarogi nino ducu.
Ci wabipwoyo Jehovah,
Pi marre ki kicane.
Pien mot ma watye kwede
Ngwece yam duny mamit ya!
(LAKUB)
Man nino duc dong cwinya yom
Me neno ka in ibwunyo
Pien yam on’ngo pe aye ni
Abigwako kori doki.
4. Paradic bibino
Ngwece dong ocako duny.
Man cikke pa Rwot Jehovah.
Man lok ma pe bipoto nono.
Cwinya pe bibedo ka tur
Ka atamo pi anyim.
Ka akuro nino man,
Ma ngwece dong duny mamit ya!
