Loʼo:

• Ntshob kwi

1. 1. Juʼ ba nsañ ntùm nkaʼ nke njob kwi,

   Lôde mve tù njen ba ndot.

   Nèn nkatte netèt ba nsàm ntù

   Njuʼ mba lagnyàm tshwèt nke mfude seʼo

   O gwù ntùm mbu ba fètfèt,

   Nkwade mbʼo nke nzi à njem.

   Paradis ze Nsi kaʼ là

   Kà tshàm, a be nzendà là.

2. 2. Tshù taʼ baʼ là mà ntùm mbuʼtoʼ

   Moʼ là zʼa tsin num kônga.

   Ntse nke ntsiag netèt ba ndoñmba

   Njoñ tshu fa tshwèt nziag, mbèn ndàn miagde.

   Ba nà yà yam nke mbéb ben;

   Bag bin kù nde nèn ntshoʼ tshu.

   Njù ze be béb nguʼ ne nguʼ

   Kà tshàm, a be nzendà là.

   (NKOʼ)

   Tsiañde nebe bo fèt ben fa

   Njù bin nkaʼni be nke mbéb là.

   Ntsenyà yà zwim num miag ben fa.

   Ywèn keʼ bèn mbe, yôg tùʼ ze nswe.

3. 3. Juʼ zwi njuʼ, tsiañde aʼ zwi mèn

   Lôde njen mba tshaʼ kañ njen.

   Tsiag fèt tsho tse bo lo num vù

   Taʼ léʼ nswe nejù bin nkaʼni Nsi.

   Be buʼ mbu ndabte Yaweh Nsi,

   Num nkôni mi, bwôntù i.

   Mbotni mi num njoñ ben fa

   Kà tshàm, a be nzendà là.

   (NKOʼ)

   Mbe njoñ léʼ fa mʼaʼ juʼ mebwô,

   Ngelañ me yen tsiañde num seʼo!

   Mba me nke nkwa mbʼa bʼa taʼ njem

   Ne nzi ntsiag o, mbèn nkab o ntùʼàm

4. 4. Miag naʼ mbʼa nzendà mba,

   Mbéb neyen mbwô paradis.

   A bʼa nkaʼni Yaweh Nsi ben,

   Nywinde là ke mfùm, béb bo bamntù.

   Kà bag bin fañ magde kwag ben.

   Be te miag num nkaʼni Nsi.

   A léʼnjù me tshwèt mbéb là,

   Kuaʼ nenùn, a be nzendà là.