Reʼ qʼiij reʼreʼ chalik reh
Chaqahsaj:
Partitura
1. Ruukʼ kitzʼuuy taqeh chikop eh
rilariik noq insaqʼik,
tibʼehik chi naah jenaj yuuqʼ.
Noq reʼ qʼiij xa holohik chik eh
reʼ hat qʼeʼ suq akʼux kuum,
kuum taqeh wilkeebʼ awuukʼ.
Holohik i kʼacharik.
Reʼ qʼiij reʼreʼ chalik reh.
2. Reʼ i hat tikamanik chi
inwihʼik atik nah yuuqʼ.
Reʼ atik xa holohik chik
ruum chuʼnchel inwachinik yuʼnaak.
Reʼ haʼ xa saq chik wach eh
inbʼirjik noq inikʼik.
Holohik i kʼacharik.
Reʼ qʼiij reʼreʼ chalik reh.
(PUENTE)
Kʼahchiʼ chik awilom yuʼnaak
chuʼnchel i xawuyʼeej najtir.
Maʼxta oqʼik xata tiʼkiil.
Reʼ hin kʼijool eh jeʼ woʼ hat.
3. Eh yuʼnaak suq suq qakʼux eh
inkʼohnik taqeh xaq chaj.
Tiqʼorik ruukʼ afamilia
eh tiwiʼk kuukʼ awamigo. Ruum
qatyooxeej reh i Jehová chi
ruukʼ kʼaxooj qojruchaʼjeej.
Kʼih taqeh kooch inqakʼul.
Reʼ qʼiij reʼreʼ chalik reh.
(PUENTE)
Kʼahchiʼ woʼ chik wilom awach.
Qʼeʼ suq nukʼux wilkaat ayuʼ.
Kʼih pech xnukapaaj chawiij.
Wilik akʼachariik woʼ chik.
4. Maʼ najt ta chik iraaj
ne inqil i akʼ akʼal.
Reʼ Jehová Dios ruqʼorom chik.
Reʼ qaDios iruqʼor i korik.
Eh maʼ tiʼ ta chik nukʼux ruum
chi wehtʼal i chalik reh
maʼ inwaaj ta nuqʼebʼem.
Ruum reʼ qʼiij reʼreʼ chalik reh.
