Yéñ maliga
Yoñ:
1. ‘Inyu léba, ni nlama yéñ.’
Inyule mbale ’yé tik jam.
La nyen ba bi kal bés, di bé yi bé le
I ga béda biliya.
(MAJUBUL MA NDIIMBA)
Di bé sômbôl yi ngandak ’nyu Nyambe.
Jon di bi kônde yéñ tik mandimbhe, maliga.
(NDIIMBA)
I yéñ, i yéñ mandimbhe,
Hiliba inyu nok,
Mam di njo sañ i tibil yi:
Lelaa mut a bi lo, inyuki di gwé ngôñ ni malo ma Nyambe.
Kinje nson nkeñi.
2. Di bé yi bé le, Djob a gwé jôl.
Yéhôva, jôl jé li a ti bés.
Yokel, di bi bôdôl léba
Mam di bé yéñék kôba.
(MAJUBUL MA NDIIMBA)
Jon di bi kônde nigil inyu yi.
Di bi sômbôl tibil nok hee mut a nlôl, hee a nke.
(NDIIMBA)
I yéñ, i yéñ mandimbhe,
Hiliba inyu nok,
Mam di bi jo i tibil yi:
Lelaa mut a bi lo, ni paradis di mbem ’si énél i Ane Nyambe.
Yéñ ndi w’a léba.
(NYAAÑGA)
Len di nla ti mahôla ngéda bape ba nyéñ.
Jon di ñañal maliga,
Di nhôla bo i kôs tik mandimbhe.
Di nla bé yék bo hala,
Di nkal bo mam di bi léba.
(NDIIMBA)
I yéñ, i yéñ mandimbhe
Hiliba inyu nok,
Mam ba njo sañ i tibil yi:
Lelaa mut a bi lo, niñ boga ni boga isi Ane Nyambe.
Yéñ ndi w’a léba.
