Dongload:

• Myoozik Sheet

1. 1. Jos laik wahn man hoo sayl da see

   di luk fi fain wahn preshos chrezha,

   wi saach fi fain di chroot, an wee noh giv op

   eevn wen wi dowt di ansaz.

   (PRE-KOAROS)

   Wi stil sayl ahed; notn stap di saach.

   Laik preshos goal er perlz, di chroot bowt Gaad deh owt deh.

   (KOAROS)

   Wee luk​—wi saach jos fi fain

   di ansaz weh wi need,

   tingz weh wi fait fi andastan,

   laik weh wi aal kohn fram, an wai wi need di Kingdom fi bring pees pahn ert.

   Saach ahn yu wahn fain...

2. 2. Non a wee mi noa di naym a Gaad;

   Jehoava da di wan fi pray tu.

   Bot now wi noa ahn now wi ga di kee,

   di kee tu di preshos chroot.

   (PRE-KOAROS)

   Soh wi sayl ahed; notn stap di saach.

   Ahn wi staat tu si di chroot bowt weh wi gwehn, wi fyoocha.

   (KOAROS)

   Wee luk​—wi saach an wi fain

   di ansaz wi mi need,

   tingz weh wi fait fi andastan,

   laik weh wi aal kohn fram, di paradais weh Gaad di pramis soon wahn deh pahn ert.

   Saach ahn yu wahn fain.

   (BRIJ)

   Now wi ku neva hoal bak, wi redi ahn wilin

   fi help adaz hoo di pray.

   Dehn mait di wayt, dehn mait ful a kweschanz.

   Soh wi help dehn fain di way

   ahn wi shayr di preshos chrezhaz.

   (KOAROS)

   Dehn luk​—dehn saach jos fi fain

   di ansaz weh dehn need,

   tingz dehn wahn fait fi andastan,

   laik weh wi aal kohn fram, an laif fareva eena Paradais pahn ert.

   Saach ahn yu wahn fain.