ဃုအီၤတက့ၢ်
ဒီလိး-
၁. ပနၢ်ဟူဘၣ် ‘ဃုနကထံၣ်’
တၢ်မ့ၢ်တီလီၤဂာ်ဒ် ပလဲ.
တၢ်သးဒ့ဒီအိၣ်ထီၣ် မ့ၢ်သံကွၢ်ယွၤန့ၣ်
မ့ၢ်နဃုထံၣ်တၢ်စံးဆၢ
(တချုး-ခိရၢာ်)
ဒ်ပှၤကၤတၢ်ဖိ မၤဝဲဒၣ်အသိး
ပမ့ၢ်ဆဲးဃုအီၤဒီး အကနၢ်ပၢၢ် တၢ်မ့ၢ်တီ
(ခိရၢာ်)
ဃုအီၤ နမ့ၢ်ဃုအီၤန့ၣ်
တၢ်စံးဆၢကဒိးန့ၢ်
တၢ်ဂ့ၢ်အကီ အဒ်သိးဒီး
ပှၤဟီၣ်ခိၣ်ဖိကဲထီၣ် ဒီးပလိၣ်ဘၣ်ယွၤဘီမုၢ်လၢကဟဲန့ၣ်လဲၣ်
ဃုသ့ၣ်ညါတက့ၢ်.
၂. ကစၢ်ယွၤမံၤအိၣ် ပတသ့ၣ်ညါ
ယဟိဝၤထဲတဂၤ ဘၣ်ကိးထီၣ်
ပမ့ၢ်ထံၣ်ဘၣ် တၢ်လၢပဃု
ပသးကပှဲၤတၢ်သးခု.
(တချုး-ခိရၢာ်)
ဟ့ၣ်အၡူတဂ့ၤ ဆဲးဃုနၢ်ပၢၢ်ထီၣ်
တၢ်အိၣ်မူဆူညါဒီးပကဲထီၣ်ဒ်လဲၣ် ဃုထံၣ်အီၤ
(ခိရၢာ်)
ဃုအီၤ နမ့ၢ်ဃုအီၤန့ၣ်
တၢ်စံးဆၢကဒိးန့ၢ်
တၢ်ဂ့ၢ်အကီ အဒ်သိးဒီး
ပှၤဟီၣ်ခိၣ်ဖိကဲထီၣ် ဒီးပၤရဒံစူးလၢယွၤအဘီမုၢ်အၢၣ်လီၤဝဲန့ၣ်
ဃုသ့ၣ်ညါတက့ၢ်.
(ဆဲးသးဝံၣ်)
ပတဂုၤက့ၤလီၢ်ခံဘၣ် ဖဲပှၤအဲၣ်ဒိးသ့ၣ်ညါ
တၢ်မ့ၢ်တီလုၢ်ပှ့ၤဒိၣ်ခါ
မၤစၢၤပှၤဂၤ ဒ်သိးကနၢ်ပၢၢ်ထီၣ်
တၢ်သံကွၢ်တဖၣ်အဂီၢ်
ရၤလီၤတၢ်လၢ မၤလိဘၣ်အီၤ.
(ခိရၢာ်)
ဃုအီၤ နမ့ၢ်ဃုအီၤန့ၣ်
တၢ်စံးဆၢကဒိးန့ၢ်
တၢ်ဂ့ၢ်အကီ အဒ်သိးဒီး
ပှၤဟီၣ်ခိၣ်ဖိကဲထီၣ် အိၣ်မူဘၣ်လီၤထူလီၤယိာ်ဖဲယွၤဘီမုၢ်ဟဲ
ဃုသ့ၣ်ညါတက့ၢ်.
