Orqoy:

• Pentagramayoq hoja

1. 1. Maymanraqchá puriranki

   Diosmanta yachanaykipaq.

   Chinkasqa jinachá tarikuranki

   cheqaq ñanta maskhaspa.

   (PRE-CORO)

   May allintachá maskhamuranki,

   sonqoykimantachá mañakuqpas karanki.

   (CORO)

   Chaychá munakuq Diosqa pusamurasunki

   kay llaqtanman,

   paymi lliuta yachachirasunki,

   chhaynapin tariranki maskhasqaykita.

   Diostan tarinki.

2. 2. Chayraqchá qanqa yacharanki

   pillachus cheqaq Dios kasqanta.

   Maytaraqchá sonqoykipi

   kusikuy t’ikariran.

   (PRE-CORO)

   May kusisqachá Jehová Diosmanta

   yacharanki paypa simin qelqata t’ajwispa.

   (CORO)

   Chaychá munakuq Diosqa pusamurasunki

   kay llaqtanman,

   may sumaqtan yachachirasunki

   thaq kausaymanta mosoq pacha kausaymantapas.

   Diostan tarinki.

   (PUENTE)

   Kunanqa tukuy sonqon lliuman willanayki

   tukuy yachasqaykita.

   Askharaqmi Diosta maskhashanku,

   chaymi yanapananchis

   kausay ñanpi kanankupaq.

   (CORO)

   Chaychá munakuq Diosqa pusamurasunki

   kay llaqtanman,

   may sumaqtan yachachirasunki

   thaq kausanmanta wiñay kausaymantapas.

   Diostan tarinki.