¡Ya di handi hanja ma gä ꞌmu̱i ha rä Paraiso!
Descarga:
1. Jakägi xä ñhei gä ꞌmu̱i.
Nuua ja ndunthi yä u̱gi.
Pe, ko mä jamfri di handi
te ma dä nja ha rä Uädri.
(CORO)
ꞌNe ya di handi rä rꞌayꞌo xiꞌmhai.
Xa mähotho, bi ꞌme̱di yä xuñha.
ꞌNe nuꞌmu̱ di nuhu di xipä Jeoba:
«Ndunthi jamädi gä kumpli gatꞌho ri noya».
2. Ha rä Paraiso ma dä za
gä o̱de nuꞌu̱ yä ꞌmida.
Ya mänꞌitꞌho ma gä handi
yä kolo nu yä zi do̱ni.
(CORO)
ꞌNe ya di handi rä rꞌayꞌo xiꞌmhai.
Gä mbäsjäꞌi ngu bi mängä Jeoba.
Ko ndunthi rä johya ma gä embäbi:
«Di ne gä rꞌaꞌi Zi Dada, ndunthi njamädi».
(PUENTE)
Ya hindä za gä ze̱ti rä u̱gi.
Pe mänꞌitꞌho ma gä nextꞌihi.
(CORO)
ꞌNe ya di handi rä rꞌayꞌo xiꞌmhai.
Xa mähotho, bi ꞌme̱di yä xuñha.
Nuga ma gä mää ko ngatꞌho mä koraso:
«Nunä pa mänꞌa xa mähotho».
(CORO)
ꞌNe ya di handi rä rꞌayꞌo xiꞌmhai,
Xa mähotho, bi ꞌme̱di yä xuñha.
Ko ndunthi rä johya ma gä embäbi:
«Jamädi po gatꞌho ri jäpi».
