Haka:

• Tononkira Misy Naoty

1. 1. Izao andro izao ve hitanao

   F’efa miharatsy foana?

   Tena mila mailo isika izao,

   Kely sisa ny fotoana.

   Hararaoty izao mba hitoriana,

   Izay mihaino ampianaro.

   Fa ny anaran’i Jehovah

   Mila fantatry ny maro.

   (FIVERENANA)

   ’Zao no fotoana

   Tsy maintsy hitoriana.

   Isika tsy ho kivy ary tsy hangina.

   Izao no fotoana,

   Fa tsy any aoriana.

   ’Zao no andro farany iadiana.

2. 2. ’Zao fotoana iainantsika izao

   Dia mandalo indray mandeha.

   Itorio ireo akaiky anao

   Sy izay mbola tsy nandre.

   Ho tsaroanao izany indray andro any,

   Ka tsy hanenenanao

   Ny nanompo an’i Jehovah

   Sy nanao izay azo atao.

   (FIVERENANA)

   ’Zao no fotoana

   Tsy maintsy hitoriana.

   Isika tsy ho kivy ary tsy hangina.

   Izao no fotoana,

   Fa tsy any aoriana.

   ’Zao no andro farany iadiana.

   (TETEZANA)

   Mahereza fa tsy irery isika.

   ’Ndao hanao izay azo atao,

   Fa sampanana iray sisa,

   Dia tontolo vaovao!

   (FIVERENANA)

   ’Zao no fotoana

   Tsy maintsy hitoriana.

   Isika tsy ho kivy ary tsy hangina.

   Izao no fotoana,

   Fa tsy any aoriana.

   ’Zao no andro farany iadiana.