ပာ်ဆူၣ်သး ဒီးဆဲးလဲၤ
ဒီလိး
၁. တၢ်ချၢတၢ်ခံး
မုၢ်နံၤစးထီၣ်
ထုကဖၣ်တၢ်လၢသး
လၢဖိတဖၣ်ဂီၢ်
လၢဒီပုၢ်ဝဲၢ်ဂီၢ်
“ပၢ်ဧၢ, မၤစၢၤလၢကတီ”
တၢ်အိၣ်မူကီခဲဘၣ်ဆၣ်
တပာ်တ့ၢ်ကွံာ်တၢ်မုၢ်လၢ်ဘၣ်
ဒီးဆဲးပာ်ဖျါတၢ်အဲၣ်
သ့ၣ်နီၣ်ထီၣ် တၢ်သးဝံၣ်အံၤထီဘိ
(ခိရၢာ်)
‘ကဒုးဆူၣ်ထီၣ်နၤ
ပျံၤတၢ်တဂ့ၤနီၤ
ယကအိၣ်ဒီးနၤ
ယကမၤစၢၤနၤ’
ပာ်ဆူၣ်သးဒီးဆဲးလဲၤ
တၢ်သးဝံၣ်အံၤဂ့ၤမး
“ကမၤဂၢၢ်ကျၢၤထီၣ်နၤ
ဒုးဆူၣ်ထီၣ်နဂံၢ်ဘါ”
(ဆဲးသးဝံၣ်)
ဘၣ်ဂုာ်ကျဲးစၢးမၤတၢ်
လၢကလုၢ်အီၣ်ဖိ
တသ့ၣ်ညါတၢ်ကမၤသး
အိၣ်ဒီးတံၤသကိး
လၢအပာ်ဖျါတၢ်အဲၣ်
အဃိအဝဲ ကဘၣ်ယိၣ်
၂. တယာ်ထီၣ်ဒံး
ဒ်လံာ်ကြီကြၣ်
ဒီးဆဲးယူၤဒံးဝဲဒၣ်
တၢ်မၤအိၣ်အါမး
တၢ်ဆၢကတီၢ် စှၤဝဲ
အဃိဃ့ထုကဖၣ်လၢသး
စုခီၣ်မ့ၢ်ကဲးဝဲဘၣ်ဆၣ်
မၤအဂ့ၤကတၢၢ်ဖဲအသ့
တၢ်လၢဟ့ၣ်အီၤဂံၢ်မ့ၢ်
တၢ်သးဝံၣ် အတၢ်ကတိၤတဖၣ်
(ခိရၢာ်)
‘ကဒုးဆူၣ်ထီၣ်နၤ
ပျံၤတၢ်တဂ့ၤနီၤ
ယကအိၣ်ဒီးနၤ
ယကမၤစၢၤနၤ’
ပာ်ဆူၣ်သးဒီးဆဲးလဲၤ
တၢ်သးဝံၣ်အံၤဂ့ၤမး
“ကမၤဂၢၢ်ကျၢၤထီၣ်နၤ
ဒုးဆူၣ်ထီၣ်နဂံၢ်ဘါ”
“ကမၤဂၢၢ်ကျၢၤထီၣ်နၤ
ဒုးဆူၣ်ထီၣ်နဂံၢ်ဘါ”
