Môs ôse ô bili abime nju’u dé
Limiti’i:
1. Ôwé Paradis a ye bo Ejôé Zambe si,
A ma yem na minju’u mise mia ye fo’o man e si.
Ve éyoñ nlem wo taé fo’o ma,
Me wô’ô yi n’a volô ma,
Na me yeme na a nye’e ma. Éyoñ nlem ô ne m’abé,
Ma yem a ne ma bebé.
(NKAÑESAN)
Ma ye’elane Yah a nlem wom
Nge minju’u mi bili fo’o ma,
Ngule jé a ye ve ma.
Me yeme fo’o, a Zambe wom.
Mejô mé ma fôlô ma
Ma ve fe benya bemvôé.
Môs ôse ô bili abim nju’u dé.
Nde ma nyoñe fo’o ve môse wua;
Mam ya den asu môse ya den;
Ma jeñ na me leñ
Mam ya môse wua.
2. A mvôé jam kôme’e vô’ôlô di,
Yene’e fe de mfi.
Ényiñ é ne mvaé a mvôé,
Nde nyoñe éyoñ ya vôé.
Zambe a nga bo nya jam.
A ve mon na bi yene mvam.
Nde bia yiane tabe nye ndi.
Yéhôva a yi na bi nyiñ.
Bia yiane bo mevak.
(NKAÑESAN)
Ye’elane a nlem wôé
Nge minju’u mi bili fo’o wo,
Ngule jé a ye ve wo.
Yéhôva a ne wo bebé.
Zambe a ne fôlô wo
A ve wo benya bemvôé.
Môs ôse ô bili abim nju’u dé.
Nde nyoñe fo’o ve môse wua;
Mam ya den asu môse ya den;
Jeñe’e na ô leñ
Mam ya môse wua.
(NKAÑESAN)
Ye’elane vôm ase.
Nge minju’u mi bili fo’o bia,
Ngule jé a ye ve bia.
Ô se étam, ô ba’ale de.
Zambe a ne fôlô bia
A ve bia benya bemvôé.
Môs ôse ô bili abim nju’u dé.
Nde nyoñe fo’o ve môse wua;
Mam ya den asu môse ya den;
Bia jeñ na bi leñ
Mam ya môse wua.
Mam ya môse wua.