Zay Tse ty Androany
Hangalaky:
1. Ekeko fa tsy maintsy ho avy paradisa zao.
Ty Fanjakàny ro handay, ho soa ty fiaina ao.
Fe fiasan-doha lako toa,
Ta hampihena ty finoa,
Mampanontany hoe: “Mbia avao? Mbia paradisa zao?”
Fe Jehovah hanampy avao.
(FIMPOLIA)
Ka mivavaky aho, amy fo.
Fa lafa zaho ro miasa loha,
Ie ro mba manohantoha.
Hiankinako ie fa vatolampy,
Fa ty safàny hampahery,
Le ty namako hanampy.
Fiasan-doha tsy ho lany, sanandro hisy,
Ka aleo zay tse ty androany.
Hamaray zao tse ’ngaho any,
Ka atao mampitany
Zay tse ty androany!
2. Mbo maro ty raha mahafalifaly,
Le feno ze ombà.
Rey avao vetsevetseo
Ndre ho mafy ty ho tratrà.
Ie tsy atao tsy nanome,
Ndre ty anany aza fa nameany,
Ka matokisa avao fa ie,
Hanampy anao fa iha teany.
Ka miasa loha fa hampeany.
(FIMPOLIA)
Mivavaha amy fo.
Fa lafa iha ro miasa loha,
Ie ro mba manohantoha.
Ka ie ro iankino fa vatolampy.
Fa ty safàny hampahery,
Le ty namanao hanampy.
Fiasan-doha tsy ho lany, sanandro hisy,
Ka aleo zay tse ty androany.
Hamaray zao tse ’ngaho any,
Ka atao mampitany.
Zay tse ty androany!
(FIMPOLIA)
Mivavaha amy fo.
Fa lafa iha ro miasa loha,
Ie ro mba manohantoha.
Ka ie ro iankino fa vatolampy,
Fa ty safàny hampahery,
Le ty namanao hanampy.
Fiasan-doha tsy ho lany, sanandro hisy,
Ka aleo zay tse ty androany.
Hamaray zao tse ’ngaho any,
Ka atao mampitany.
Zay tse ty androany!
Zay tse ty androany!
