Amukkope:

• Lwamanooti

1. 1. Leza wakatusyomezya paradaiso.

   Ndilisinizyide kuti zintu ziyoobota.

   Pele buumi zimwi ziindi;

   Bulakatazya ncobeni,

   Cakuti lusyomo lwangu lulaceya kapati.

   Pele Jehova nkwali.

   (KKOLASI)

   Ndilamwaambila Jehova

   Nondityompedwe kapati.

   Takandilekelezyi,

   Ulaandime; Leza wangu.

   Ulandigwasya lyoonse

   Ikwiinda mu Jwi lyakwe.

   Masimpe ibuumi mbwamapenzi,

   Pele tandilibiliki;

   Kuti zintu zyandiyumina,

   Ulandibamba.

   Ngu Leza wangu.

2. 2. Koswiilila omweenzuma,

   Komvwa ncondaamba.

   Utabikkili maano

   Kapati kumapenzi.

   Leza ulatuyanda,

   Wakatupa mwana wakwe,

   Utaleki kumusyoma.

   Nzyaakatucitila nzinji,

   Utalibiliki.

   (KKOLASI)

   Jehova ulamvwa

   Notutyompedwe kapati.

   Takatulekelezyi,

   Ulaandiswe; Leza wesu.

   Ulatugwasya lyoonse

   Ikwiinda mu Jwi lyakwe.

   Masimpe ibuumi mbwamapenzi,

   Swe tutalibiliki;

   Kuti zintu zyatuyumina.

   Ulatubamba.

   Ngu Leza wesu.

   (KKOLASI)

   Jehova ulamvwa

   Notutyompedwe kapati.

   Takatulekelezyi,

   Ulaandiswe; Leza wesu.

   Ulatugwasya lyoonse

   Ikwiinda mu Jwi lyakwe.

   Masimpe ibuumi mbwamapenzi,

   Swe tutalibiliki

   Kuti zintu zyatuyumina.

   Ulatubamba.

   Ngu Leza wesu​—

   Ngu Leza wesu.