Ah Feel Soh Tankful
Dongload:
1. Pik di priti flowaz weh groa pahn di hil,
lisn tu di see breez, ahn feel how kool ih feel.
Si how di son di shain dong fahn di skai;
breez bloa aal di klowdz, berdz flai op hai.
(PREE-KOAROS)
Laad, weh Ah du,
da wai yu lov mee?
Ahn weh Ah ku du
fi giv yu tanks ahn prayz?
(KOAROS)
Ah need fi bee tankful,
Oa, Jehoava Ah pray:
“Ah soh tankful
fi yu lov ahn yu kyaa.”
Stap, ahn luk rong,
tek wahn minit, ahn mek ih sink dong tu mi haat.
Neva mek wahn day jos paas mi bai
widowt Ah bee tankful.
Ah need fi bee tankful.
2. Aala di kalaz weh paynt di eevnin skai,
dehn da sohnting amayzin fi luk pan wid wi aiy!
Di song a wahn riva bai di lait a di moon,
di staarz dehn daans wail di ert sing di choon!
(PREE-KOAROS)
Laad, weh Ah du,
da wai yu lov mee?
Bot Ah noa weh fi du
fi giv yu tanks ahn prayz!
(KOAROS)
Ah need fi bee tankful,
Oa, Jehoava Ah pray:
“Ah soh tankful
fi yu lov ahn yu kyaa.”
Stap, ahn luk rong,
tek wahn minit, ahn mek ih sink dong tu mi haat.
Neva mek wahn day jos paas mi bai
widowt Ah bee tankful.
(BRIJ)
Ah si yu wizdom ahn yu schrent,
ih shoa eena evriting,
ahn humoch yu lov wi.
An Ah soh tankful;
Yea Ah feel soh tankful.
(KOAROS)
Ah need fi bee tankful,
Oa, Jehoava Ah pray
“Ah soh tankful
fi yu lov ahn yu kyaa.”
Stap, ahn luk rong,
tek wahn minit, ahn mek ih sink dong tu mi haat.
Neva mek wahn day jos paas mi bai
widowt Ah bee tankful.
Ah need fi bee tankful.
Wi need fi bee tankful.
