Hukllamá kawsakullanchik
Hurqunapaq:
1. Sumaqmá, kusikuypaqmá
kay llaqtapiña kasqayqa.
Allinllamá,
hawkallamá
chayaramullani.
Huk law nacionpiña kallaspaypas
kusisqamá kachkani.
Iñiqmasiykunaqa kusisqamá
suyawasqaku.
(CORO)
Maymantaña kaspapas
hukllamá kawsakullanchik.
Sunqumantamá huk ayllu
hinalla
kuyanakunchik.
2. Kaypiña kasqaymantamá
kusisqa tarikullani.
Kay nacionpimá, kay llaqtapimá
huñunakullachkanchik.
Kaypimá kuyakuq Diosninchikpa
nisqanta uyarisun.
Kaypimá Jehova Diosninchikta huk ayllu
hinalla yupaychasun.
(CORO)
Maymantaña kaspapas
hukllamá kawsakullanchik.
Sunqumantamá huk ayllu
hinalla
kuyanakunchik.
3. Maypiña tarikuspaypas
Jehova Diosninchikmantamá
willakullani, rimarillani
iñiqmasiywan kuska.
May llaqtamantaña kaspanchikpas
kuyanakunchikñamá.
Turilláy, ñañalláy, qamtamá sunqumanta
kuyakullayki.
(YAPAN)
Maypiñapas
tarisunmá iñiqmasinchiktaqa
Españapipas,
Boliviapipas, maypiñapas.
(CORO)
Maymantaña kaspapas
hukllamá kawsakullanchik.
Sunqumantamá huk ayllu
hinalla
kuyanakunchik.
Ima rimayniyuqña
kaspapas hukllamá kanchik.
Sunqumantamá huk ayllu
hinalla kuyanakunchik.
Huamangamanta, Andahuaylasmanta,
Paucaraymanta, Limamanta,
may llaqtamanta kaspapas huk ayllu
hinamá kuyanakunchik.