Odehe Onyeewe
Kịlọọ Ju
1. Ọhịhị nyahị tị́ ka lanyị
Ụka k’ang ịjụjụ á ka ji kaka?
Odehe ka kpunyi,
Ḿ ka juhihi ny’ịngịngịhyẹ ka.
Lẹ ẹga my’ẹga kam ch’ụrụ nyam ka,
R’eje ny’ọkẹkẹnị k’angịnyị ja mwu.
Eji ọkpakpa ny’Ohe,
Ka h’ang ịlẹ kị r’irya nyahị wuu.
IJihova ka
Nwụm uri ny’ụkụrwọ nyam
Odehe onyeewe.
(ỌKỌ ỌDAWỤLẸ)
Ahị ọpyẹpyẹ ja warị,
K’ang ịlẹ kam yẹhị rịrị gbe,
Kịị y’ọngịrị ham ụka ny’akama,
M̀ ka yaa lẹhị nyam
Odehe onyeewe.
2. Ọhịhị nyahị tị́ ka lanyị
Ụka k’Ohe nyahị ka w’igu damile?
Oluji ohyẹẹkpẹ
A ka họhị ịngịngịhyẹ kaka.
Angịlẹ kị j’iworu
Ka w’ọkọ ny’ọnyị ny’Ohe pw’iworu.
Ị ka kpehe bw’ụwa;
Adahị ka hịlẹẹhị egbejida!
Ọ ja h’ẹlẹwẹ
M ka kpẹhị yẹ
Odehe onyeewe.
(ỌKỌ ỌDAWỤLẸ)
Ahị ọpyẹpyẹ ja warị,
K’ang ịlẹ kam yẹhị rịrị gbe,
Kịị y’ọngịrị ham ụka ny’akama,
M̀ ka yaa lẹhị nyam
Odehe onyeewe.
(BRIDGE)
Ẹla my’ẹla kọ ya,
Ịngịhyẹ á ka dọọ yi myị́ ka.
O r’irya ny’iJihova
Nyọka y’ang ịlẹpwụ ny’odehe da.
(ỌKỌ ỌDAWỤLẸ)
Ahị ọpyẹpyẹ ja warị,
K’ang ịlẹ kam yẹhị rịrị gbe,
Kịị y’ọngịrị ham ụka ny’akama,
M̀ ka yaa lẹhị nyam
Odehe onyeewe,
Odehe onyeewe,
Odehe onyeewe,
Odehe onyeewe.
