Iina Di Paradais
1. Kom wi rak bak an den tingk bout wan plies:
Ku pan pikni a ramp, dem no fiil no wie.
Nuo, dem na’afi fiil fried
Kaa dem Gad, Jeuova, nyuu worl, it sief.
Luk ou di piipl a liv iina piis,
Dem tek kier a di ort ou Gad waahn dem dwi’it.
Da laif ya de ya fi stie;
An da piis ya naa go go no we.
Gad mek Jiizas King.
A fi dem lov wi a-go fiil
Iina di Paradais.
(KUOROS)
Ja pramis elp wi kip chrang,
It gi wi sopm fi eng aan pan.
Laif a-go swiit, a wi Gad a-go dwi’it.
Mek wi si wiself de
Iina di Paradais.
2. Lak yu yai dem nou an tingk bout wan taim
Wen yu famb’li an fren dem staat kom bak alaiv.
Waata ful op yu yai
Kaa Gad memba dem, im neehn’a tel lai.
An dem naa go ded agen.
Yu gweehn liv fi eva muor wid dem
Nier di riva ar sii
Ar pan di mountn tap we yu jos fiil frii.
Duo dem ded so lang,
Ja gweehn bring dem bak
Iina di Paradais.
(KUOROS)
Ja pramis elp wi kip chrang,
It gi wi sopm fi eng aan pan.
Laif a-go swiit, a wi Gad a-go dwi’it.
Mek wi si wiself de
Iina di Paradais.
(BRIJ)
Ja naa go tek bak im chat
Im gweehn gi wi di ting dem wi waahn.
Bikaa im lov fi wi chrang
Yu kyan go put yu pat pan faiya fi dat.
(KUOROS)
Ja pramis elp wi kip chrang,
It gi wi sopm fi eng aan pan.
Laif a-go swiit, a wi Gad a-go dwi’it.
Mek wi si wiself de
Iina di Paradais,
Iina di Paradais,
Iina di Paradais,
Iina di Paradais.
