Saʼ li akʼ ruuchichʼochʼ
Xkubʼsinkil:
1. Chaakʼoxla naq ak wankat chik aran.
Li najter ruuchichʼochʼ ak xʼosoʼk chikan!
Il chaq saʼ laasutam
ut chaayal xsahil li tuqtuukilal.
Nekeʼbʼatzʼunk saʼ xyaalal li kokʼal.
Li saqʼe nalemtzʼunk saʼ li ru taqʼa
ut jwal saasa chik laachʼool…
ut chixjunil aʼin laawechanihom!
Li tzʼaqal yuʼam
aʼan li tqakʼul aran
saʼ li akʼ ruuchichʼochʼ.
(XYEEBʼAL WIʼ CHIK)
Wank jun li xaml saʼ qachʼool,
chanchan li ankla li nokooxchap,
aʼ xkʼoxlankil rix li qoybʼenihom:
naq wanko chik aran
saʼ li akʼ ruuchichʼochʼ.
2. Chaakʼoxla chanru tzʼaqal laanaʼaj
saʼ kʼicheʼ, chiru tzuul malaj chire palaw
ut kʼajoʼ xchʼinaʼusal!
Anaqwan, ani li yook chi chalk?
Nakaawil laakamenaq
sachamil laachʼool nakatkanaak!
Saʼ aanil nakaakʼul,
nakaaqʼalu ut nahaʼoʼk saʼ aawu.
Maakʼaʼaq chik kamk
chi moko rahilal
saʼ li akʼ ruuchichʼochʼ.
(XYEEBʼAL WIʼ CHIK)
Wank jun li xaml saʼ qachʼool,
chanchan li ankla li nokooxchap,
aʼ xkʼoxlankil rix li qoybʼenihom:
naq wanko chik aran
saʼ li akʼ ruuchichʼochʼ.
(RUUTZʼUʼUJIL)
Ut li Jehobʼa tixbʼaanu
naq li xyeechiʼom ttzʼaqloq ru.
Ut li rajom li Jehobʼa aʼan
naq chiqajunilo jwal sa toowanq.
(XYEEBʼAL WIʼ CHIK)
Wank jun li xaml saʼ qachʼool,
chanchan li ankla li nokooxchap,
aʼ xkʼoxlankil rix li qoybʼenihom:
naq wanko chik aran
saʼ li akʼ ruuchichʼochʼ.
Saʼ li akʼ ruuchichʼochʼ,
saʼ li akʼ ruuchichʼochʼ,
saʼ li akʼ ruuchichʼochʼ.
