Vetsevetseo Tontolo Vaovao Ho Avy Io
Hangalaky:
1. Mba akimpino tse ty masonao roe,
Le alao sary an’eritser’tsy hoe:
Ingo mihisa ajà rey!
Hafalea avao ty ho hita noho re.
Ze olo hitanao, ze ombanao,
Fa tsy misy olo raty, milamy avao.
Fiadana tsy tetoy ndraiky.
Fa nifantany hoe: ‘Tsy maintsy ho to zay.’
Ie le tea anao,
Ty anany ro handay anao
Amy tontolo vaovao ao.
(FIMPOLIA)
Ty fitamana le miaro,
Hoy talimbato tsy mampialoalo,
Masoandro mijilo io ka henteo,
Mba dineho, vetsevetseo
Tontolo vaovao ho avy io.
2. Mba vetsevetseo ze teanao ho ao.
Tany an-tsonin-drano, hasoan-draha zao!
Misy tranonao ao,
Le tsy laninao ty hany ao.
’Nay fa misy mamaipaiky.
Tena fa tsy lenty ie. Inay ndraiky.
Mangemahema, tomany,
Fa ta handrakoky anao ie, fa le many.
Ndre ty maty aza
Ho velomini-Jehovah
Amy tontolo vaovao ao.
(FIMPOLIA)
Ty fitamana le miaro,
Hoy talimbato tsy mampialoalo,
Masoandro mijilo io ka henteo,
Mba dineho, vetsevetseo
Tontolo vaovao ho avy io.
(TETEZA)
Fa ze safà naboany iaby,
Le tsy maintsy ho tanteraky iaby.
Le ho fiadana an-tany eto
Fa zay ty sitraponi-Jehovah.
(FIMPOLIA)
Ty fitamana le miaro,
Hoy talimbato tsy mampialoalo,
Masoandro mijilo io ka henteo,
Mba dineho, vetsevetseo
Tontolo vaovao ho avy io.
Tontolo vaovao ho avy.
Tontolo vaovao ho avy.
Tontolo vaovao ho avy.
