Amboaro ty Say
Hangalaky:
1. Vo maraindray fa mialy ay,
Fa mifamaly ty fo noho say.
Raha soa ro teako hatao,
Fe zaho tsy matoky avao.
Mivavaky aho, mamonjy anao,
Fa hoasanao, zay ty tokony hatao.
Ka lafa zaho miasa say,
Eo iha mambitamby ahy
(FIMPOLIA)
Hoe: “Fa soa zay, amboaro ty say.
Miandrà avao, ka kivy zao!”
Ka hiezaky aho hatanjaky avao.
Ka zao saiko zao mba hilamy avao.
2. Mba faniriako ty hanompo anao,
Fe fiaina toy manjeky avao.
Manovo azy ty am-poko ao
Fa hoe zaho tsy teanao.
Fe zaho tsy tà, mitsanga avao,
Mandeha mitory, mampianatsy mbao.
Tsy alahelo ro handresy ahy,
Jehovah, iha manampy ahy.
(FIMPOLIA)
“Ka fa soa zay, amboaro ty say.
Miandrà avao, ka kivy zao!”
Ka hiezaky aho hatanjaky avao.
Ka zao saiko zao mba hilamy avao.
Hilamy avao.
(TETEZA)
Hiambohoako ze raha mahakivy,
Mampifoay, fa zaho tsy ho kivy.
Jehovah-ko, intoy ty ananao,
Fa matoky anao, le falifaly ie zao.
Le falifaly ie zao.
(FIMPOLIA)
“Ka fa soa zay, amboaro ty say.
Miandrà avao, ka kivy zao!”
Ka hiezaky aho hatanjaky avao.
Ka zao saiko zao mba hilamy avao.
