Késkuni:

• Partitura

1. 1. Kuatantaskia jandiajku jarhani,

   iámu ambe jimbo pʼikuarherani.

   ¿Ambe úni ixú jarhaski?

   No ma ambe úsïnga sési úni.

   Tata Jeoba, jarhuatarini,

   kuatantaskia xáni méntkuni ísï jarhani.

   Tʼureni uinhapikua íntskuaka,

   tʼurenisï tsíperajka jíndeni.

   (KORU)

   Jarhuatarini sáni parani sési jarhani

   ka nóteruni ísï pʼikuarherania.

   Nóteruni xáni uandanhiani jauaka.

   Tʼuri ixú jarhaska, jíndeni jingoni, Taati.

2. 2. Ji uéksïnga úni ambe engari tʼu uéjka,

   Jeoba, tʼureni uinhapikua íntsku.

   Ka uinhaperantareni

   parani sési pʼikuarherani.

   Tata Jeoba, jarhuatarini,

   niuaka uandantani chiiti ambe, Jeoba.

   Tʼurenisï sési pʼikuastajka

   parani nóteruni uandanhiani.

   (KORU)

   Jarhuatarini sáni parani sési jarhani

   ka nóteruni ísï pʼikuarherania.

   Nóteruni xáni uandanhiani jauaka.

   Tʼuri ixú jarhaska, jíndeni jingoni, Taati.

   Jíndeni jingoni.

   (KÚNDANTSKUA)

   Tata Jeoba, kuájchakureni,

   xéxakari na engani jaka ji.

   Nóteruni ísï pʼikuarheraakia,

   joperureni tʼu asï méni jáma jurajkuni.

   Tʼurenisï sési pʼikuastantajka.

   (KORU)

   Jarhuatarini xáni parani sési jarhani

   ka nóteruni ísï pʼikuarherania.

   Nóteruni xáni uandanhiani jauaka.

   Tʼuri ixú jarhaska, jíndeni jingoni, Taati.