Bhaxarini:

• Tsamba ya Nyimbo

1. 1. Dziwa kuti pa dziko,

   Nee unagumana

   Munthu wadidi

   Wakuti nkhabe dodoma.

   Lero wadodoma,

   Mbwenye yesera ipi:

   Pfundza na madodo,

   Mbutawira ciphedzo ca M’lungu.

   (KORO)

   Ungagwa lamuka,

   Pinthu pinacinja.

   Pfundza na madodo.

   Yang’ana ntsogolo.

   Usake Yahova,

   Iye anakuphedza.

   Khulupira kuti:

   Kupfundza na madodo

   Kunakuwangisa.

2. 2. Thangwi ya kudodoma,

   Ntima uciri kupha.

   Nkhabebve cakucita.

   Madzi abhomeka.

   Toma khurudzika,

   Mbunyindira Yahova.

   Kwata Bhibhlya uleri,

   Toera udziwe cakucita.

   (KORO)

   Ungagwa lamuka,

   Pinthu pinacinja.

   Pfundza na madodo.

   Yang’ana ntsogolo.

   Usake Yahova,

   Iye anakuphedza.

   Mbunyindira kuti

   Anakupasa mphambvu.

   (MURATHO)

   Leri Mafala a M’lungu

   Kuti uone ntsogolo.

   Mulungu asatifuna,

   Mphapo pfundza

   Na madodo.

   (KORO)

   Ungagwa lamuka,

   Pinthu pinacinja.

   Pfundza na madodo.

   Yang’ana ntsogolo.

   Usake Yahova,

   Iye anakuphedza.

   Khulupira kuti

   Kupfundza na madodo

   Kunakuwangisa.

   Pfundza na Madodo.