Me nyi le a yé ni me
Yoñ:
1. Kiki kel i nye len, me haba mambot.
Me soohe Djob le a ti me ngui i pot.
Ngomin a nsôñga le, me añal ñañ nlam.
Ndi m’a nôgôl Djob ’loo mut binam.
(NDIIMBA)
Me yé mbebi i nhôñ, ba ngwel bé me, ba nkéñ bé me njel.
Yéhôva a yé ni me, me kon bañ woñi.
Me nyi le a yé ni me, me nkon bé woñi.
2. Munu njel mahuu, me nhoñol mut wada
A bé a môdi, a bé nyetama.
Me nsoohe Djob le me témb me boma nye,
Me nyi le maliga ma nla lémél nye.
(NDIIMBA)
Me yé mbebi i nhôñ, ba ngwel bé me, ba nkéñ bé me njel.
Yéhôva a yé ni me, me kon bañ woñi.
Me nyi le a yé ni me, me nkon bé woñi.
(NYAAÑGA)
Me nok hié hi nloñ ikété ñem wem,
Bañga i Djob i, i nlama pam.
M’a añal yo to ba mbôn me nyemb,
Me ga añal letee nkoñ ’si u tjiba.
Lôk kéé i njo nlélém sañ kiki me.
Me nlama bana hémle i ngui,
Tubul Djob tjémbi ni bôdôl nye ñem,
Mbok yondo i Djob i yé i njel.
3. Kiki u u nsude, me mbet nañ’ yem.
Me ti Yéhôva mayéga kii lem.
Kii i mbem me yani, me nla bé yi,
To la me gwé bé jam i kon woñi.
(NDIIMBA)
Me yé mbebi i nhôñ, ba ngwel bé me, ba nkéñ bé me njel.
Yéhôva a yé ni me, me kon bañ woñi.
Me nyi le a yé ni me, m’a kon bé woñi.